سی ایس ایس 2026 کے امیدواروں کی نفسیاتی تشخیص کے جائزے منسوخ کر دیئے گئے
Stay tuned with 24 News HD Android App
(بابر شہزاد تُرک) اسلام آباد میں سڑکوں کی بندش اور موجودہ امن و امان کی صورتحال کے باعث سی ایس ایس 2026 کی نفسیاتی تشخیص کا شیڈول ملتوی کر دیا گیا۔
فیڈرل پبلک سروس کمیشن (ایف پی ایس سی) نے شیڈول ملتوی کرنے سے متعلق پبلک نوٹس جاری کر دیا۔
اسلام آباد میں 25 اور 28 ستمبر کو ہونے والے نفسیاتی جائزے ملتوی کیے گئے ہیں۔ ایف پی ایس سی کے حکام نے بتایا کہ سڑکوں کی بندش اور موجودہ امن و امان کی صورتحال کے باعث نفسیاتی جائزوں کا شیڈول ملتوی کیا گیا ہے۔
پبلک نوٹس کے مطابق سی ایس ایس 2026 کے نفسیاتی جائزوں کی نئی تاریخوں کا اعلان بعد میں کیا جائے گا۔ نظرثانی شدہ شیڈول مناسب وقت پر جاری کیا جائے گا۔ ایف پی ایس سی نے امیدواروں کو تازہ ترین معلومات کیلئے کمیشن کی ویب سائٹ کو باقاعدگی سے وزٹ کرنے رہنے کی ہدایت کی ہے۔
یہ بھی پڑھیئے: طائف اور ینیع شہر بڑی تباہی سے بچ گئے