عام انتخابات کا دنگل،نامور سیاستدان چاروں شانے چت، آزاد امیدوار سب سے آگے

حج آپریٹرز کی جعلی ویب سائٹس کا انکشاف، سعودی عرب نے الرٹ جاری کردیا

(ویب ڈیسک)حج آپریٹرز کی جعلی ویب سائٹس کا انکشاف ہونے کے بعد سعودی عرب نے الرٹ جاری کردیا۔

سعودی وزارت حج و عمرہ نے عازمین حج پر زور دیا ہے کہ وہ غیر مجاز حج آپریٹرز اور جعلی ویب سائٹس سے محتاط رہیں, عازمین کو چاہیے کہ وہ سرکاری طور پر منظور شدہ چینلز کو استعمال کریں۔

وزارت نے اس بات پر زور دیا کہ تسلیم شدہ چینلز سے خدمات حاصل کرنے سے عازمین حج کے حقوق کا تحفظ یقینی ہوتا ہے اور حج کی ادائیگی کا حقیقی موقع ملتا ہے۔

حافظ آباد:  مسافر بس اور ٹرک میں تصادم, 6 افراد زخمی 

(میاں مظہر) حافظ آباد میں موٹر وے ایم ٹو کوٹ سرور کے قریب مسافر بس اور ٹرک میں تصادم کے نتیجے میں  6 مسافر شدید زخمی  ہوگئے جبکہ  بیشتر کی حالت تشویشناک ہے۔

متحدہ عرب امارات میں زلزلے کے جھٹکے

(24 نیوز)متحدہ عرب امارات کی ریاست فجرہ میں مقیم رہائشوں نے صبح کے اوائل میں زلزلے کے جھٹکے محسوس کیے۔

غیر ملکی میڈیا رپورٹس کے مطابق یو اے ای میں زلزلہ مقامی وقت کے مطابق صبح 3.03 بجے آیا، جس کی گہرائی 5 کلومیٹر ریکارڈ کی گئی جبکہ زلزلے کی شدت 2.8 ریکارڈ کی گئی تھی۔
نیشنل سینٹر آف میٹرولوجی کے مطابق متحدہ عرب امارات کی ریاست فجرہ میں مقیم رہائشوں نے صبح کے اوائل میں زلزلے کے جھٹکے محسوس کیے۔

زلزلہ مقامی وقت کے مطابق صبح 3 بجکر 3 منٹ پر ساحل کھور فکن سے 5 کلومیٹر کی گہرائی میں آیا۔

امریکی صدر جوبائیڈن ڈونلڈ ٹرمپ سے مباحثے کیلئے تیار

(ویب ڈیسک)امریکا کے صدر جوبائیڈن سابق صدر ڈونلڈ ٹرمپ سے مباحثے کے لیے تیار ہوگئے۔

امریکی صدر نے کہا ہے کہ ممکنہ ریپبلکن حریف ڈونلڈ ٹرمپ سے مباحثے کے لیے تیار ہوں، ٹرمپ سے مباحثہ کر کے خوشی ہوگی۔

غیرملکی میڈیا کے مطابق اس حوالے سے ڈونلڈ ٹرمپ نے کہا ہے وہ تیار ہیں لیکن سوال یہ ہے کہ بائیڈن اس کے لیے راضی ہیں۔

دوسری جانب سابق امریکی صدر ٹرمپ کی انتخابی مہم کے مشیر نے صدر بائیڈن کے بیان پر ردعمل دیا ہے۔

پاکستانی لڑکی کے جسم میں بھارتی شہری کادل دھڑکنے لگا

(24 نیوز)بھارتی شہری نے پاکستانی لڑکی کو دل کا عطیہ کرکے نئی زندگی دے دی۔

بھارتی میڈیا کے مطابق 19 سالہ عائشہ بھارت میں پیدا ہوئی تھیں اور اب وہ پاکستان کے شہر کراچی میں رہائش پذیر ہیں، عائشہ پہلی بار 2019 میں دل کی سنگین بیماری میں مبتلا ہوئیں اور بھارت کے شہر چنئی علاج کیلئے گئی تھیں،عائشہ کے دل کے وال میں لیکج تھی جس کے سبب وہ لائف سپورٹ سسٹم پر زندہ تھیں۔دل کے وال میں لیکج کی وجہ سے دل کا ٹرانسپلانٹ ہونا تھا جس پر 35 لاکھ روپے کا خرچ بتایا گیا جسے ہسپتال اور شہر چنئی میں قائم ایشوریام ٹرسٹ نے برداشت کیا۔

انسٹی ٹیوٹ آف ہارٹ اینڈ لنگ ٹرانسپلانٹ کے ڈائریکٹر ڈاکٹر کے آر بالاکرشنن نے بتایا کہ عائشہ خوش قسمت ہے کہ اسے فوری دل کا عطیہ مل گیا جب کہ بیرون ملک سے آئے لوگوں کو اعضا کا عطیہ ملنا مشکل ہوتا ہے، عائشہ کو دل کا عطیہ دہلی کے رہائشی 69 سالہ ایک شخص نے کیا جو دماغی طور پر مردہ تھا،میڈیا رپورٹس کے مطابق دل کی پیوند کاری کے بعد عائشہ پاکستان واپس آنے کیلئے تیار ہے اور وہ فیشن ڈیزائنر بننے کی خواہش رکھتی ہے۔

سنگاپور سے پاکستان اور یورپ کو ملانے والی فائبر آپٹیکل کیبل  کٹ گئی، صارفین کو شدید مشکلات

(وقاص عظیم)انٹرنیٹ استعمال کرنے والے صارفین کیلئے بری خبر ،سنگاپور سے پاکستان اور یورپ کو ملانے والی فائبر آپٹیکل کیبل  کٹ گئی،پی ٹی سی ایل اور ٹرانس ورلڈ کی مشرقی سمت سے آنے والی ٹریفک متاثرہو گئی۔

 ذرائع کا کہنا ہے کہساوتھ ایسٹ ایشیا مڈل ایسٹ یورپ کیبل کو انڈونیشیا کے قریب کٹ لگے،آپٹیکل فائبر سب میرین کیبل پر پانچ کٹ لگ گئے، فائبرآپٹیکل کیبل کو ٹھیک ہونے میں ایک مہینہ لگے گا، ذرائع کا مزید کہنا ہے کہ فائبر آپٹیکل کیبل انڈونیشیا کے قریب کٹ گئی تھی، آپٹیکل فائبر کیبل کٹنے سے مشرقی سمت سے آنے والی انٹرنیٹ سروس متاثر ہو گئی،پی ٹی سی ایل اور ٹرانس ورلڈ کی مشرقی سمت سے آنے والی ٹریفک متاثر ہو گئی،پاکستانی صارفین کو انٹرنیٹ براؤز کرنے میں شدید مشکلات کا سامنا ہے ،پاکستانی صارفین کو شام کے ٹائم میں انٹرنیٹ براؤز کرنے میں شدید مشکلات کا سامنا رہے گا۔

ذرائع پی ٹی سی ایل کے مطابق مشرقی سمت سے آنیوالی ٹریفک 10 فیصد سے بھی کم ہے،مشرقی سمت سے آنیوالی انٹرنیٹ ٹریفک کو متبادل ذرائع پر شفٹ کردیا گیا ہے۔

بھارت میں قید 2 پاکستانی بچوں کو رہائی مل گئی

 ( ملک محمد اکمل) ضلع قصور کے تحصیل پتوکی سے تعلق رکھنے والے2 بچوں کو بھارت نے رہا کر کے پاکستانی حکام کے حوالے کر دیا۔

تفصیلات کے ڈیڑھ سال قبل غلطی سے سرحد پار کرنے والے پتوکی کے رہائشی 2 بچوں کو بھارتی حکام نے اٹاری/ واہگہ بارڈر کے راستے پاکستانی حکام کے حوالے کیا، عباد اور زاہد کا تعلق تھانہ سرائے مغل کی حدود  گوپے راء سے ہے، انڈیا سے رہائی ملنے پر بچوں کے اہل خانہ خوشی سے نہال ہیں۔

بابر اعظم اور رضوان اچھے کھلاڑی لیکن پوری ٹیم کا بوجھ نہیں اٹھا سکتے ، محمد حفیظ

(24 نیوز )پاکستان کرکٹ ٹیم کے سابق کپتان محمد حفیظ نے کہا ہے کہ بابر اعظم اور محمد رضوان اچھے کھلاڑی ہیں لیکن وہ پوری ٹیم نہیں ہیں ۔

سابق ڈائریکٹ قومی ٹیم محمد حفیظ کا کہنا ہےکہ صائم ایوب کو ٹی 20ورلڈ کپ میں بطور اوپنر کھلانا چاہیے،اگر پیراشوٹ سے سلیکشن ہوگی تو ڈومیسٹک کرکٹرز کو غلط پیغام دیا جائےگا، پاکستان اور بھارت  کے درمیان کرکٹ بحالی کے حوالے سے محمد حفیظ نے جواب دیا کہ اگر ایک دوسرے کے ملک کا دورہ نہیں کرسکتے تو پاک بھارت کرکٹ نیوٹرل وینیو پر ہونی چاہیے، آئندہ سال چیمپئنز ٹرافی کے حوالے سے محمدحفیظ نے کہا کہ بھارت کو چیمپئنز ٹرافی کھیلنے پاکستان آنا چاہیے کیونکہ پاک بھارت کرکٹ صرف دو ملک ہی نہیں پوری دنیا دیکھتی ہے۔انہوں نے کہا کہ سیاست کو سائڈ پر رکھ کر کھیل کو سامنے رکھنا چاہیے، پاکستان اور بھارت کے درمیان تینوں فارمیٹس کی کرکٹ بحال ہونی چاہیے،خوش ہوں گا پاکستان بھارت جائے اور بھارت پاکستان آئے،ٹیم سلیکشن کے حوالے سے ان کا کہنا تھا کہ محمد عامر، عماد وسیم اور عثمان خان اچھے کھلاڑی ہیں لیکن سلیکشن کا ایک طریقہ کار ہوتا ہے، تینوں کھلاڑی پہلے ڈومیسٹک کرکٹ کھیلتے جس کی پرفارمنس پر قومی ٹیم میں منتخب کیا جاتا، اگر پیراشوٹ سے سلیکشن ہوگی تو ڈومیسٹک کرکٹرز کو غلط پیغام دیا جائے گا۔

محمدحفیظ نے کہا کہ سابق چیئرمین کی جانب سے پاکستانی کوچز پر سفارشیں قبول کرنے کے الزامات پر دکھ ہوا،اپنی کوچنگ پر تنقید کے حوالے سے انہوں نے بتایا کہ میں نے لیول ون کوچنگ کورس کیا ہوا ہے، کوچنگ کورس تعلیم ہے، ضرور کرنا چاہیے لیکن کوچنگ کورس ہی سب کچھ نہیں، اگر کوچنگ کورس پر چلنا ہے تو سب سے زیادہ مارکس والے کو قومی ٹیم کا کوچ لگا دیں،انہوں نے کہا کہ سابق پی سی بی چیئرمین نے بیان دیاکہ پاکستانی کوچنگ اسٹاف ایماندار نہیں، ایسے بیان سے ہزاروں لوکل کوچز کو تکلیف پہنچی، پاکستان میں لیجنڈز موجود ہیں جن کو دنیا مانتی ہے،انہوں نے کہا کہ کوچنگ میں انٹرنیشنل کرکٹ کا تجربہ نظر انداز نہیں کیا جاسکتا، مجھے ڈائریکٹر ٹیم کے عہدے سے ہٹانے کا طریقہ کار افسوس ناک تھا۔

سابق کپتان نے کہا کہ پی سی بی میں لوگ غلامانہ سوچ کے مالک ہیں جو سمجھتے کہ غیرملکی کوچ ہی ہونا چاہیے، میں نے کبھی کسی لوکل کوچ کو سفارش مانتے نہیں دیکھا، ایسا تاثر غلط ہے،بابر اعظم اور محمد رضوان کی اوپننگ جوڑی ٹوٹنے کے حوالے سے محمد حفیظ نے کہا کہ ایسا نہیں کہ بابر اور رضوان اچھے کھلاڑی نہیں لیکن دونوں پوری ٹیم نہیں، صائم ایوب کو بطور ٹی ٹوئنٹی اوپنر لانا میری نظر میں پرابلم کا حل تھا،بابر اور رضوان پوری ٹیم کا بوجھ اکیلے نہیں اٹھا سکتے، بابر گزشتہ کئی سال سے نمبر تین پر بیٹنگ کر رہے ہیں، ٹی ٹوئنٹی میں نمبر تین پر کھیلنے سے کوئی فرق نہیں پڑے گا،محمد حفیظ نے کہا کہ اگر میں نے اوپنرز تبدیل کر کے غلطی کی تھی تو آج صائم ایوب کو کیوں اوپنر کھلایاجارہا ہے؟ صائم، رضوان اوپنر، بابر نمبر تین اور فخر چار پر کھیلیں تو ٹاپ آرڈر مضبوط بن جاتا ہے۔

انہوں نے کہا کہ بابر اعظم مضبوط بیٹر ہیں جو ہر کنڈیشنر میں کھیلنے کی اہلیت رکھتے ہیں، صائم اگر ناکام بھی ہوتے ہیں تو تب بھی ٹی ٹوئنٹی ورلڈ کپ میں بطور اوپنر کھلانا چاہیے کیونکہ وہ دلیر بیٹر ہیں، ڈرتے نہیں، ایسے کھلاڑیوں کے لیے تنقید برداشت کرلینی چاہیے، صائم تینوں فارمیٹس کے کھلاڑی ہیں،محمدحفیظ نے اسٹرائیک ریٹ کے حوالے سے کہا کہ کرکٹ بدل گئی ہے، تسلسل بے شک کم ہو لیکن پرفارمنس کا امپیکٹ ہونا چاہیے، دیگر ٹیمیں ایک یا دو کھلاڑی پر انحصار نہیں کرتیں، ہر میچ میں کوئی نیا کھلاڑی پرفارمنس دیتا ہے۔

سابق کپتان نے بابر اعظم اور ویرات کوہلی کے موازنے پر کہا بابر اور کوہلی کے درمیان کوئی موازنہ نہیں بنتا کیونکہ کوہلی کی بھارت کے لیے پرفارمنس بہت شاندار ہیں، بابر بہترین کھلاڑی ہیں جنہوں نے ابھی مزید پاکستان کے لیے پرفارمنس دینی ہیں،انہوں نے بابر اعظم کے حوالے سے کہا کہ ایسی تنقید غلط ہے کہ بیٹنگ میں بابر اعظم کو ہی سب کچھ کرنا ہے، بابر کو مارڈرن ڈے کرکٹ کے مطابق اپنی صلاحیتوں کو بہتر کرنا ہے، انہیں معلوم ہوگیا ہے کہ کہاں بہتری لانی ہے، حالیہ پی ایس ایل میں انٹینٹ کے ساتھ کھیلا ہے،گزشتہ دورہ نیوزی لینڈ پر لیگز کے معاملے پر این او سی کے حوالے سے حفیظ نے کہا کہ لیگز کی این او سی کے معاملے پر مجھے غیر ضروری شامل کیا گیا، میرا کھلاڑیوں کے لیگز کی این او سی کے ساتھ کوئی تعلق نہیں تھا۔

انہوں نے کہا کہ لیگز کے معاملے پر پی سی بی اور کھلاڑیوں کے درمیان پہلے ہی 3سالہ کنٹریکٹ ہوچکا تھا، تمام کھلاڑیوں نے خود کنٹریکٹ کیا کہ پی ایس ایل کے علاوہ 3لیگز کھیلنے کی اجازت ہو، مجھ پر لیگز کے معاملے پر الزام لگایا گیا، میں نےکہا جو کنٹریکٹ ہے اس کے مطابق چلیں، کھلاڑیوں کی سب سے پہلی ترجیح اپنے ملک سے کھیلنا ہونی چاہیے،پاکستان کے ٹی ٹوئنٹی ورلڈ کپ جیتنے کے امکانات کے حوالے سے محمد حفیظ نے کہا کہ پاکستان کی ٹی 20ٹیم باصلاحیت ہے، صرف اعتماد کی کمی ہے۔

انہوں نے کہاکہ پی سی بی کی منیجمنٹ میں تبدیلیاں قومی کرکٹ ٹیم پر بھی اثر انداز ہوتی ہیں،محمدحفیظ نے کہا کہ اگر ایک دوسرے کے ملک کا دورہ نہیں کرسکتے تو پاک بھارت کرکٹ نیوٹرل وینیو پر ہونی چاہیے۔

چین میں پاکستان کیلئے تیار ہونے والی پہلی ہنگور آبدوز لانچ کر دی گئی

( 24 نیوز ) پاک چین دوستی نے ایک اور سنگِ میل طے کر لیا، 8 ہنگور آبدوزوں کے معاہدے کے تحت چین میں تیار ہونے والی پہلی آبدوز لانچ کر دی گئی۔

پاک آرمی کے ادارہ تعلقاتِ عامہ آئی ایس پی آر کے مطابق چین میں پاکستان کیلئے تیار ہونیوالی پہلی ہنگورکلاس آبدوز کی لانچنگ تقریب کا انعقاد ہوا، لانچنگ کی تقریب چین کے ووچانگ شپ بلڈنگ انڈسٹری گروپ کمپنی لمیٹڈ شوانگلیو بیس میں منعقد ہو ئی، چیف آف دی نیول اسٹاف ایڈمرل نوید اشرف اس موقع پر مہمان خصوصی تھے۔

وزارتِ خزانہ کا ایف بی آر ڈیجیٹلائزیشن منصوبے پر عملدرآمد شروع کرنے کا فیصلہ

(وقاص عظیم) وزارتِ خزانہ نے ایف بی آر ڈیجیٹلائزیشن منصوبے پر عملدرآمد شروع کرنے کا فیصلہ کر لیا۔

وزارتِ خزانہ کے مطابق وزیر خزانہ محمد اورنگزیب کی زیر صدارت ایف بی آر کی ڈیجیٹلائزیشن پر اجلاس ہوا جس میں اجلاس میں کار انداز کے نمائندوں کی بھی شرکت کی، اجلاس میں میکنزی اینڈ کمپنی کی ایف بی آر ڈیجیٹلائزیشن کی تجویز منظور کر لی گئی، میکنزی اینڈ کمپنی نے سب سے بڑی بولی دی تھی، اجلاس کو منصوبے کے لیے خریداری کے طریقہ کار سے آگاہ کیا گیا، اجلاس کو منصوبے کے مالیاتی اور تکنیکی امور پر بریف کیا گیا۔

سڈنی: چاقوحملے میں جاں بحق پاکستانی گارڈ کی نمازجنازہ ادا

(24 نیوز) آسٹریلوی شہر سڈنی میں گزشتہ دنوں ہونے والے چاقو حملے میں جاں بحق پاکستانی سیکیورٹی گارڈ فراز طاہر کی نماز جنازہ ادا کر دی گئی۔

غیرملکی خبررساں ادارے کے مطابق نماز جنازہ کے موقع پر اہل خانہ سمیت بڑی تعداد میں آسٹریلوی حکام سڈنی کے کمیونٹی سینٹر پہنچے، آسٹریلوی وزیراعظم نے بھی کمیونٹی سینٹر پہنچ کر فراز طاہر کے اہلخانہ سے تعزیت کی اور چاقو حملے میں جاں بحق پاکستانی سیکیورٹی گارڈ کو خراج عقیدت پیش کیا۔

ریاض: سفارتی کوارٹر میں سعودیہ کا پہلا شراب خانہ کھل گیا

(24 نیوز) ریاض کے سفارتی کوارٹر میں سعودی عرب کا پہلا شراب خانہ کھول دیا گیا جس سے شراب کی خریداری کیلئے صارفین کو موبائل ایپ کے ذریعے اندراج کرانا پڑے گا۔
غیرملکی خبررساں ایجنسی کی رپورٹ کے مطابق سعودی حکومت سرکاری طور پر دارالحکومت میں شراب خانہ کھلنے کی تصدیق نہیں کی تاہم سفارتکاروں کو خصوصی ایپ کے ذریعے اجازت نامہ حاصل کرنا ہوگا، کسی بھی مہمان یا 21 سے کم عمر فرد کو سٹور میں جانے کی اجازت نہیں ہوگی جبکہ دکان میں فوٹوگرافی اور موبائل فون کا استعمال پر بھی پابندی ہوگی۔

امریکا میں ٹک ٹاک پر پابندی کا قانون پاس، چیف ایگزیکٹو بھی میدان میں آ گئے، بڑا اعلان کر دیا

(24 نیوز) ٹک ٹاک کے چیف ایگزیکٹوشو زی چیو نے امریکی صدرکے دستخط کردہ قانون کو چیلنج کرنے کا اعلان کر دیا اور ساتھ ہی خبردار بھی کر دیا کہ ہم کمپنی بند کر دیں گے لیکن ٹک ٹاک کی ملکیت امریکیوں کو نہیں دینگے۔ 
ٹک ٹاک کے چیف ایگزیکٹوشو زی چیو نے کہا ہے کہ کمپنی امریکی صدر جو بائیڈن کے دستخط کردہ قانون کو چیلنج کرے گی جس کے تحت امریکامیں اس مقبول وڈیو شیئرنگ ایپ پر پابندی عائد کی جا سکتی ہے۔

گھریلو یا کمرشل سولر پینل لگانے والوں پر ٹیکس عائد کرنے کی تجویز

(24 نیوز)گھریلو یا کمرشل سولر پینل لگانے والوں پر ٹیکس عائد کرنے کی تجویز دی گئی ہے، سولر پینل لگانے والوں سے فی کلو واٹ 2 ہزار روپے ٹیکس وصول کرنے کی تجویز دی گئی۔
ذرائع وزارت توانائی کے مطابق 12کلو واٹ کے سولر پینل گرڈ سے 2 ہزار روپے فی کلو واٹ وصول کیے جانے کا امکان ہے، سینٹرل پاور پرچیزنگ ایجنسی نے سمری وزارت بجلی کو ارسال کر دی۔ذرائع وزارت توانائی نے بتایاکہ گھریلو یا کمرشل سولرپینل لگانے والوں پر فی کلو واٹ2ہزارروپے ٹیکس ایک بار لگے گا۔
12 کلو واٹ کا سولر پینل لگانے والے صارفین سے 24 ہزار روپے وصول کیے جائیں گے، پاور ڈویژن نے سینٹرل پاور پرچیزنگ ایجنسی (سی پی پی اے) کی سمری منظوری کیلئے وزیراعظم کو بھجوا دی۔حکام پاور ڈویژن کے مطابق ملک میں نصب کیے گئے سولر پینل کے نرخوں پر نظر ثانی کی تجویز بھی زیر غور ہے، سمری منظور ہونے کے بعد سولر پینل کے نرخ کم کرنے کی درخواست نیپرا میں دائر کریں گے۔

کونسل برائے موسمیاتی تبدیلی کا تیسرا اجلاس ، صوبوں سے مشاورت کیلئے وزیراعظم کی کمیٹی بنانے کی ہدایت

(24 نیوز)  وفاقی دارالحکومت اسلام آباد میں کونسل برائے موسمیاتی تبدیلی کا تیسرا اجلاس ہوا جس میں وزیراعظم شہباز شریف نے صوبوں سے مشاورت کیلئے کمیٹی دینے کی ہدایت جاری کر دی۔

وزیراعظم محمد شہباز شریف کی زیر صدارت پاکستان کونسل برائے موسمیاتی تبدیلی کا تیسرا اجلاس آج اسلام آباد میں منعقد ہوا، اجلاس میں وفاقی وزراء اسحاق ڈار، احد خان چیمہ، محمد اورنگزیب، سردار اویس خان لغاری، وزیرِ اعظم کی موسمیاتی تبدیلی کیلئے کوارڈینیٹر رومینہ خورشید عالم، متعلقہ اعلی حکام اور سرکاری و نجی شعبے سے ماہرین نے شرکت کی. اجلاس میں وزیرِ اعظم ازاد جموں و کشمیر، وزیرِ اعلی گلگت بلتستان اور چاروں صوبوں کے وزراءِ اعلی نے بھی وڈیو لنک کے ذریعے شرکت کی.

یو اے ای میں شدید بارشیں ، شہریوں کی مدد میں پاکستانی نوجوانوں کا پہلا نمبر

(24 نیوز ) متحدہ عرب امارات (یو اے ای ) میں گزشتہ دنوں ہونے والی شدید بارشوں نے دبئی اور شارجہ  میں نظام زندگی مفلوج کر کے رکھ دیا ، ایسے میں ہمدردی اور  مدد کا جذبہ لیے پاکستانی نوجوان پیش پیش رہے ۔

غیر ملکی خبر رساں ادارے کے مطابق دبئی اور شارجہ کی شدید بارشوں میں سڑکوں پر پھنسے اماراتی شہریوں کی مدد کرنے میں پاکستانی نوجوان سب سے آگے رہے، عوامی خدمت کی بہترین مثال قائم کرتے پاکستانی نوجوانوں کی  ویڈیوز سوشل میڈیا پر وائرل ہوگئی ہیں، رپورٹ کے مطابق پاکستانی نوجوانوں نے 200 سے زائد عرب شہریوں کو پانی سے نکال کر گھر پہنچایا اور 80 سےز ائد گاڑیوں کو  ریسکیو کیا، پاکستانی نوجوانوں نے نا صرف اپنی مدد آپ کے تحت ریسکیو آپریشن سر انجام دیئے بلکہ لوگوں کو کھانا اور پانی  بھی فراہم کیا ، یو اے ای سمیت دنیا بھر میں پاکستانی نوجوانون کے جذبے  اور ہمت کو خوب سراہا جا رہا ہے ۔

سندھ سرکار کا جیلوں کو سولر پینل پر منتقل کرنے کا اعلان

 (24 نیوز ) بجلی کے بھاری بلوں  سے چھٹکارہ حاصل کرنے کیلئے  سندھ حکومت نے صوبہ بھر  کی تمام جیلوں پر سولر پینل لگانے کا فیصلہ کرلیا۔ 

صوبائی وزیر علی حسن زرداری نے اعلان کیا ہے کہ سندھ کی  تمام جیلوں میں سولر پینل لگائے جائیں گے جس سے قیدی بیرکس میں پنکھے سولر پینل پر منتقل کئے جائیں گے، 200 کلو واٹ سے لیکر 600 کلو واٹ کے سولر سسٹم نصب کئے جائیں گے۔ 

  جاری کردہ  ٹینڈر  کے مطابق  پہلے مرحلے میں کراچی سینٹرل، ویمن اور لاندھی جیل کو سولر پر منتقل کرنے کا کام شروع کردیا ہے، سکھر، لاڑکانہ،شکارپور،جیکب آباد کی جیلوں کو سولر منتقل کیا جائے گا جبکہ  لاڑکانہ اور سکھر ویمن جیل بھی سولر منتقل کیا جائےگا۔ 

 دوسرے مرحلے میں حیدرآباد، میرپورخاص، بدین، سانگھڑ، خیرپور، گھوٹکی، شکارپور کے جیلوں کو سولر پر منتقل کیا جائےگا، بچہ و خواتین جیل میں مشینری اور کلاس رومز کو بھی سولر پر منتقل کیا جائے گا۔

بانی پی ٹی آئی کی احتجاج کی کال ناکام ہو گئی

(عثمان خادم کمبوہ)بانی چیئرمین تحریک انصاف کی جانب سے دی گئی احتجاج کی کال ناکام ہو گئی،قائدین اور کارکنان احتجاج کیلئے نہ نکلے۔
تفصیلات کے مطابق تحریک انصاف نے تمام صوبائی حلقوں میں احتجاج کی کال دے رکھی ہے،لاہور میں 30 مقامات پر احتجاج کی کلا دی گئی تھی،لاہور میں کسی ایک مقامات پر بھی احتجاج ریکارڈ نہ کروایا جا سکا،اراکین اسمبلی و ٹکٹ ہولڈرز کارکنان کو احتجاج کیلئے نکالنے میں ناکام رہے۔

ایف بی آر کے 12 اعلیٰ افسران عہدوں سے فارغ ، نوٹیفکیشن جاری

(وقاص عظیم) وزیر اعظم شہباز شریف  نے فیڈرل بیورو آف ریونیو(ایف بی آر) کے 21 اور 22 گریڈ کے 12 افسران کو عہدوں سے ہٹا دیا ۔

تفصیلات کے مطابق وزیر اعظم شہباز شریف  نے ایف بی آر کے 12 اعلی افسران کو عہدوں سے ہٹادیا ، گریڈ 21 اور 22 کے 12 افسران کو عہدوں سے ہٹا کر خدمات ایف بی آر ایڈمن پول کے سپرد  کر دی گئی ہیں، ایف بی آر کی جانب سے نوٹیفکیشن کے مطابق ممبر کسٹمز اکاؤنٹنگ مکرم جاہ انصاری ،ممبر آئی آر پالیسی آفاق قریشی ،ممبر کسٹمز آپریشن ڈاکٹر فرید اقبال قریشی ،ڈی جی آئی او سی او شاہ بانو خان ،ممبر کسٹمز آپریشن ڈاکٹر فرید اقبال قریشی ،اکاؤنٹنگ ممبر طارق مصطفیٰ خان ،ڈی جی لاء اینڈ پراسیکیوشن  احمد رؤف ،چیف کمشنر کراچی حیدر علی دھریجہ ،ڈی جی انٹرنل آڈٹ محمد اعظم شیخ ،چیف کلیکٹر اپریزمنٹ کراچی محمد سلیم چیف کمشنر آر ٹی او کراچی ٹو عبد الوحید اوکیلی اور چیف کمشنر آر ٹی او اسلام آباد خورشید مروت کی خدمات ایڈمن پول کے سپرد  کر دی گئی ہیں۔

نیتن یاہو جرائم سے توجہ ہٹانے کیلئے یہود دشمنی کا پرچار نا کریں: امریکی سینیٹر برنی سینڈرز

(24 نیوز) امریکی سینیٹر برنی سینڈرز نے غزہ میں جاری اسرائیلی جارحیت کے خلاف نیتن یاہو کو خبردار کیا ہے کہ اسرائیل کی عدالتوں میں جو مجرمانہ فرد جرم کا سامنا کر رہے ہیں اس سے توجہ ہٹانے کے لیے یہود دشمنی کا استعمال نہ کریں۔

امریکی سینیٹر برنی سینڈرز نے اسرائیلی وزیر اعظم بنجمن نیتن یاہو کے نام ایک ویڈیو پیغام شائع کیا جس میں انہوں نے امریکی تعلیمی اداروں میں بڑھتے ہوئے مظاہروں کو نیتن یاہو کی جانب سے ’یہودی دشمنی‘ قرار دینے پر کڑی تنقید کا نشانہ بنایا، اپنے ویڈیو پیغام میں امریکی سینیٹر نے کہا کہ ’’نہیں مسٹر نیتن یاہو نہیں، یہ یہود دشمنی نہیں ہے اور نا ہی حماس کے حامی اس کی نشاندہی کرتے ہیں، 6 مہینوں سے تمہاری انتہا پسند حکومت نے 34 ہزار فلسطینیوں کا قتل کیا اور 78 ہزار کو لاپتا کیا، ان لوگوں میں 70 فیصد خواتین اور بچے ہیں۔‘‘

مارک زکر برگ کو 50 کھرب روپے کا نقصان، کتنے اثاثے باقی رہ گئے ؟جانیے 

(ویب ڈیسک ) فیس بک سمیت متعدد سوشل میڈیا ایپس کے مالک اور میٹا کے سی ای او مارک زکربرگ کو گزشتہ دو سالوں میں دوسرا بڑا نقصان ہو گیا ، ایک ہی دن میں 18 ارب ڈالرز سے محروم ہو گئے ۔

تفصیلات کے مطابق میٹا نے اپنی سال کی پہلی سہ ماہی آمدنی رپورٹ جاری کی ہے جس کے مطابق  جنوری سے مارچ 2024 کے دوران کمپنی کے حصص میں کمی دیکھی گئی،مارک زکر برگ نے رواں برس اے آئی اور میٹا ورس پر 35 سے 40 ارب ڈالرز خرچ کرنے کا اعلان کیا تھا جس کے باعث نہ صرف میٹا کے حصص میں کمی آئی بلکہ مارک زکربرگ بھی اربوں ڈالرز سے محروم ہوگئے

 ،مارک زکر برگ کا صرف ایک دن نقصان 18 ارب ڈالر یعنی پاکستانی 50 کھرب روپے ہوا ہے تاہم اس میں مختلف دیگر وجوہات بھی شامل رہی ہیں،اثاثوں میں 18 ارب ڈالرز کی کمی کے باوجود مارک زکربرگ اب بھی 155 ارب ڈالرز کے مالک ہیں ، خیال رہے کہ اکتوبر 2022 میں مارک زکربرگ کو 100 ارب ڈالرز کا نقصان ہوا تھا تاہم وہ کمپنی کو دوبارہ منافع بخش ادارہ بنانے میں کامیاب ہوگئے تھے۔

چیئرمین پشتونخوا میپ محمود خان اچکزئی کے وارنٹ گرفتاری جاری

(عیسیٰ ترین)چیئرمین پشتونخوا میپ محمود خان اچکزئی کے وارنٹ گرفتاری جاری ہو گئے،جوڈیشل مجسٹریٹ کوئٹہ نے محمود خان اچکزئی کے وارنٹ گرفتاری جاری کئے ہیں ۔

جوڈیشل مجسٹریٹ نے تھانہ گوالمنڈی کی ایف آئی آر نمبر 43 سال 2024 میں وارنٹ جاری کئے ہیں ،محمود خا ن اچکزئی کے صدارتی امیدوار بنتے ہی انتظامیہ نے انکے گھر پر چھاپہ مارا تھا ،چھاپے کے بعد ضلعی انتظامیہ نے محمود خان اچکزئی جو اس وقت گھر پر موجود  نہ تھے کیخلاف کار سرکار میں مداخلت  اور قبضے کی دفعات 447 اور 448 - 34 کے تحت  مقدمہ درج کرایا تھا ۔

ضلعی انتظامیہ کے اسی ایف آئی آر میں پیش نہ ہونے پر جوڈیشل مجسٹریٹ نے وارنٹ جاری کئے ہیں ،22 اپریل کی تاریخ میں جاری وارنٹ میں پولیس کو ہدایت کی گئی ہے کہ محمود خان اچکزئی کو گرفتار کرکے 27 اپریل کو پیش کیا جائے۔

امریکا :بچوں کی پیدائش کی شرح میں کمی ، ایلون مسک نے خبردار کر دیا

(24 نیوز ) ایکس (ٹویٹر) اور الیکٹرک کاربنانے والی کمپنی ٹیسلا کے مالک ایلون مسک نے امریکا میں بچوں کی شرح پیدائش میں خطرناک حد تک کمی  پر تشویش کا اظہار کرتے ہوئے کہا ہے کہ امریکا  معدومیت کی جانب بڑھ رہا ہے ۔

تفصیلات کے مطابق سماجی رابطوں کی سائیٹ ایکس پر  عالمی ادارے کی رپورٹ شیئر کرتے ہوئے ایلون مسک نے کہا کہ دنیا کے دیگر ممالک میں  شرح پیدائش بدتر ہے تو امریکا میں خطرناک حد تک گر چکی ہے ، اس ٹویٹ کی اہم بات  وہ رپورٹ  ہے جس میں دعویٰ کیا گیا ہے کہ امریکی شرح پیدائش ایک صدی میں اپنی کم ترین سطح پر آ گئی ہے، 2023 میں شرح پیدائش فی عورت 1.62 تک گر گئی ہے جو کہ حکومت کی جانب سے 1930 کی دہائی میں ٹریکنگ شروع کرنے کے بعد سے اب تک سب سے کم ہے۔

پنجاب میں موسلادھار بارش، پی ڈی ایم اے نے الرٹ جاری کر دیا

(علی رامے)صوبائی دارالحکومت لاہور سمیت پنجاب کے مختلف علاقوں میں موسلا دھار بارش  کے آغاز کے بعد پی ڈی ایم اے نے الرٹ جاری کر دیا ہے ۔
تفصیلات کے مطابق پی ڈی ایم اے کی جانب سے کہا گیا ہے کہ صوبہ بھر میں موسلا دھار بارشوں کا سلسلہ 29 اپریل تک جاری رہ سکتا ہے اس لیے  تمام ڈپٹی کمشنرز الرٹرہیں، ڈی جی پی ڈی ایم اے  کا کہنا ہےکہ ہنگامی صورتحال سے نمٹنے کے لیے متعلقہ محکمے  الرٹ رہیں،صوبائی کنٹرول روم سمیت تمام اضلاع کے ڈسٹرکٹ ایمرجنسی آپریشن سنٹرز کو بھی الرٹ کر دیا گیا ہے، پی ڈی ایم اے کنٹرول روم میں صورتحال کی مانیٹرنگ 24/7 جاری ہے،1122 سمیت دیگر ریسکیو ادارے مشینری سمیت عملے کو الرٹ رکھیں۔

ڈی جی پی ڈی ایم اے  کی جانب سے مزید کہا گیا ہے کہ نشینی علاقوں سے پانی کی نکاسی کو جلد از جلد ممکن بنائیں ،شہری احتیاط کریں بجلی کے کھمبوں اور لٹکتی تاروں سے دور رہیں،بچوں کا خاص خیال رکھیں انہیں نشیبی علاقوں میں جمع پانی کے قریب ہرگز نہ جانے دیں،شہری غیر ضروری سفر سے پرہیز کریں اور گاڑی آہستہ چلائیں ،بارشوں کا سلسلہ 29 اپریل تک جاری رہنے کے امکانات ہیں،شہری مدد کیلئے پی ڈی ایم اے کی ہیلپ لائن 1129 پر کال کر سکتے ہیں۔

لاہور کے مختلف علاقوں میں موسلادھار بارش، موسم خوشگوار ہو گیا

(24نیوز)پنجاب کے صوبائی دارالحکومت میں موسلادھار بارش سے درجہ حرارت میں نمایاں کمی، موسم خوشگوار ہو گیا۔جبکہ لیسکو کا ترسیلی نظام بری طرح متاثر ہو گیا۔

تفصیلات کے مطابق لاہورکے مختلف علاقوں میں کہیں ہلکی اورکہیں تیز بارش ہوئی،مال روڈ،گلبرگ، ٹاؤن شپ،جیل روڈ، گڑھی شاہو میں ابرکرم جم کر برسے،کوٹ لکھپت،ماڈل ٹاؤن، فیصل ٹاؤن،گرین ٹاؤن میں بھی بونداباندی ہوئی،بارش کے باعث درجہ حرارت میں نمایاں کمی دیکارڈ دیکھی گئی جس سے موسم خوشگوار ہو گیا،نشتر پارک سپورٹس کمپلیکس اور اطراف میں بھی بارش ہوئی،بارش کے باعث نیوزی لینڈ کرکٹ ٹیم کا آپشنل ٹریننگ سیشن منسوخ ہو گیا۔

دوسری جانب شہر میں موسلا دھار بارش سے لیسکو کا ترسیلی نظام بری طرح متاثرہو گیا،لیسکو کے 220 سے زائد فیڈرز ٹرپ کر گئے،ٹرپنگ کی وجہ سے مختلف علاقوں میں بجلی کی فراہمی معطل ہو گئی،بجلی کی بندش سے صارفین کو مشکلات کا سامنا ہے۔

ریٹائرمنٹ کے بعد تنہائی سے کیسے بچا جائے؟ماہرین نے بتا دیا

( 24 نیوز )ریٹائرمنٹ پرسکون اور اطمینان بھری زندگی گزارنے کا نام ہے لیکن عمر کے اس حصے اور وقت کو بعض اوقات  ہماری کچھ عادات ہمیں دوسروں سے دور کر دیتی ہیں۔

آج ہم آپ کو ایسی 8 عادات کے بارے میں بتائیں گے جن سے گریز کر کے آپ اپنے آپ کو تنہائی اور مایوسی سے بچا سکتے ہیں اور ایسا کرنے سے آپ دیر پا اور خوشیوں سے بھری زندگی گزار پائیں گے ۔

 حد سے زیادہ خود انحصار ی 

ہمارا معاشرہ اکثر  خودمختاری کو پسند کرتا ہے خود انحصاری ایک حد تک ٹھیک ہے لیکن معاشرے سے جڑے رہنا بھی اتنا ہی اہم ہے اس بات کا خیال رکھا جائے کہ ریٹائرمنٹ  تنہائی کے سفر کا نام نہیں ہے بلکہ یہ زندگی کا وہ حصہ ہے کہ جو  دوسروں کے ساتھ  مل کر بہترین طریقے سے گزارا جاسکتا ہے ،بہت سے ریٹائر حضرات کی ایک عادات ہے  کہ وہ گھر کے تمام ذمہ داریاں اپنے آپ  کرنے لگ جاتے ہیں جو  نادانستہ طور پر دوسروں کو خود سے دور کر دیتے ہیں،اس لیے آپ کو خود انحصاری ترک کر کے ضرورت کے وقت کسی سے مدد  لینے اور دوسروں کو اپنے زندگی کے معاملات میں شامل کرنے سے پریشان نا ہوں بلکہ اپنے اردگرد کے لوگوں سے جڑے رہیں۔

نئے تجربات سے گریز   

ریٹائرمنٹ  نئے تجربات کرنے کیلئے موضوع وقت ہے ، نئی  چیزوں  پر  تجربات کریں اور نئے لوگوں سے ملیں ، اس سے آپ مشغول بھی رہینگے اور اسائیشوں سے نکل کر نئے تجربات  کو تسلیم کریں گے لیکن اگر آپ تبدیلی کے ڈر سے ایسے ہی بیٹھے رہے تو پھر  آپ خود کو تنہا محسوس کرنا شروع کردینگے۔

جسمانی صحت کو نظر انداز کرنا 

جسمانی صحت کا سماجی زندگی کے ساتھ گہرا تعلق ہے کیوںکہ جب ہم تندرست اور متحرک ہوتے ہیں تو  ہم  سماجی سرگرمیوں میں حصہ لیتے ہیں ،دوسری جانب اگر ہم اپنی جسمانی صحت کو نظر انداز کرلے تو  ا سے  نقل  و  حرکت اور دائمی مسائل  جنم لے سکتے ہیں ،ایک مطالعے کے مطابق جسمانی ورزش کرنے والے لوگوں کا  ورزش نہ کرنے والے   کی نسبت  وسیع سماجی تعلقات ہوتے ہیں ۔ 

ماضی کے خیالوں میں رہنا 

 ماضی کی  اچھی یادوں کو تازہ کرنا ایک فطری عمل ہے لیکن مکمل طور پر ماضی میں رہنا اور کسی ایک حسین لمحے میں جانے میں  بہت فرق ہے ،کچھ لوگ اپنے ماضی میں ہی کھوئے رہتے ہیں اور اپنے آج پر توجہ دینا چھوڑ دیتے ہیں ایسا کرنے سے آپ کے اندر سے کچھ بہتر کرنے کی تحریک ختم ہو جاتی ہے اور پھر آپ نئے تجربات اور نئے لوگوں سے تعلق ترک کر دیتے ہیں اور ایسا کرنا آپ کیلئے تنہائی کا سبب بنتا ہے اس لیے حال کی زندگی کو قبول کریں، مسقبل پر نظریں جمائے اور نئے امکانات کیلئے خود کو تیار رکھیں۔ 

 جذبات خود  تک محدود رکھنا 

اونچ  نیچ زندگی کا حصہ ہے لیکن برے وقت میں یا ہرموقع پر  یوں پیش آنا کہ سب ٹھیک ہے  تنہائی کی طرف دھکیل دیتا ہے اور آپ اور دوسروں کے درمیان جڑے رہنے میں رکاوٹیں پیدا کرسکتاہیں ،اپنے جزبات کو کسی سے شئیر کیا کریں ایسا کرنے سے آپ نہ صرف دوسروں سے  مدد   طلب کرتے ہیں بلکہ معنیٰ خیز  تعلقات کے مواقع دیتے ہیں۔

 نفرتوں کو  دل میں زندہ رکھنا 

ایک چیز ہمیشہ یاد رکھیں کہ رنجشوں کو تھامے رکھنا ایک بوجھ ہے جو آپ کو تھکا دیتا ہے ،نفرت اور انتقام کی آ گ  دل میں رکھنے سے صرف آپ کی شخصیت اور رویے پر ہی اثر انداز ہو سکتا ہے اور باقی کسی کو کوئی نقصان نہیں پہنچا سکتا ، اس کے بجائے اگر آپ معاف کرنا  سیکھیں جو آسان نہیں ہے لیکن ذہنی سکون کیلئے  ضروری ہے یہ انسان کے دماغ کو ناراضگی کے بوجھ سے خالی کر کے مثبت تعلقات کیلئے جگہ بنا دیتا ہے ، آپ ریٹائرمنٹ کے بعد تنہا رہنا نہیں چاہتے تو دوسرون کو اور حتیٰ کہ خود کو معاف کرو اور خوش رہو۔ 

اپنی ذات میں مثبت ترقی کو نظر انداز کرنا 

ریٹائرمنٹ کا مطلب ذاتی زندگی میں تبدیلی لانے کا عمل بند ہونے کا نام نہیں بلکہ نئے چیزوں کو سمجھ لینے کیلئے تو یہی موضوع وقت ہے تاہم اس کو نظر انداز کرنا بھی تنہائی کی طرف دھکیل دیتا ہے، اپنے گرد ماحول سے جڑے رہے اور  جو وقت کے ساتھ ساتھ آپ میں تبدیلی  پیدا کرتا ہے ،اپنی ذاتی ترقی کو ایک اہم فوقیت سمجھ کر کچھ نیا شروع کیجئے اور ریٹائرمنٹ کجے بعد تنہائی سے بچئے ۔ 

دوسروں   کے کام نہ آ نا 

انسان ایک معاشی جانور ہے جو ایک دوسرے کے ساتھ تعامل اور رابطوں کے ذریعے ترقی کرتے ہیں ، لیکن منع کرنے یا کسی پر بوجھ بننے کی خوف سے ہم اکثر   دوسروں کے ہاں جانے کو جھجک محصوص کرتے ہیں، کسی کیساتھ بات کرنے سے، کسی سے مدد طلب کرنے سےیا کسی کو ایک کپ کافی پھیلانے سے فرق پڑ سکتا ہے ، یہ چھوٹے چھوٹے کام آپ کا معاشرے سے  بندھن کو  مزید بڑھاتا ہے اور تنہائی سے بچانے میں موثر ثابت ہو سکتا ہے تو پھر آگے بڑھیئے اور دوسروں کی طرف ہاتھ بڑھائے، ہم سب اس معاشرے میں ایک ساتھ ہیں۔

مکمل اور خوش ریٹائرمنٹ کا تعلق ہمارامعاشرے اور اس میں تمام چیزوں  کے ساتھ  جڑے رہنےسے ایک گہرا تعلق ہے ، یاد رکھیں، انسان فطری طور پر سماجی مخلوق ہیں، ہماری کنکشن کی ضرورت عمر یا ریٹائرمنٹ کے ساتھ کم نہیں ہوتی ہے،اگر کچھ بھی ہے، تو اس میں شدت آتی جاتی ہے جب ہم اپنے سنہری سالوں میں معنی تلاش کرتے ہیں۔

یہ تمام عادات نہ صرف تنہائی سے بچانے میں معاون ہیں  بلکہ یہ زندگی کو تسلیم کرنے، معنیٰ خیز تعلقات بنانے اور انفرادی طور پر ترقی کرنے میں بھی کام آئینگے۔

این اے 148 ضمنی انتخاب؛پیپلزپارٹی نے علی قاسم گیلانی کو ٹکٹ جاری کردی

(سید ذوہیب بخاری)ملتان کے قومی اسمبلی کے حلقے این اے 148 کے ضمنی انتخاب کیلئے پیپلز پارٹی نے سید علی قاسم گیلانی کو پارٹی ٹکٹ جاری کردیا ۔
پارٹی ٹکٹ چیئرمین پیپلز پارٹی بلاول بھٹو زرداری نے جاری کیا،این اے 148 میں ضمنی انتخاب 19 مئی کو منعقد ہوگا ۔
یاد رہے کہ چیئرمین سینیٹ یوسف رضا گیلانی نے کامیابی کے بعد قومی اسمبلی کی نشست سے استعفیٰ دیا۔

برطانیہ کا ایرانی ملٹری  ڈرون انڈسٹری پر نئی پابندیوں کا اعلان

(24 نیوز) برطانیہ نے ایران کی ملٹری  ڈرون انڈسٹری پر نئی پابندیوں کا اعلان کردیا۔

غیر ملکی خبر رساں ادارے کے مطابق برطانیہ نے نئی پابندیوں کا اعلان امریکا اور کینیڈا کو اعتماد میں لے کر کیا، برطانیہ کے اس اقدام کا مقصد ایران کی ڈرون حملوں کی صلاحیت محدود کرنا ہے۔

برطانیہ نے گزشتہ ہفتے اسرائیل پر حملے کے بعد ایران کے عسکری عہدیداروں اور اداروں پر پابندیاں عائد کی تھیں اور یہ اقدامات بھی امریکا کے ساتھ مشاورت کے بعد کیے گئے تھے۔

بیٹوں پر کرپشن کا الزام، ملائشین اینٹی کرپشن کا سابق وزیراعظم سے بھی تحقیقات کرنیکا اعلان

(24 نیوز) بیٹوں کے خلاف بدعنوانی کی تحقیقات میں ملائیشین اینٹی کرپشن کمیشن نے سابق وزیر اعظم مہاتیر محمد سے بھی تحقیقات کرنے کا اعلان کر دیا۔
ملائیشین اینٹی کرپشن کمیشن کا کہنا ہے کہ بدعنوانی کی تحقیقات کے سلسلے میں98 سالہ سابق وزیر اعظم مہاتیر محمد سے بھی پوچھ گچھ کی جائے گی، مہاتیر محمد کے دو بیٹوں کو نوٹس جاری کیا گیا ہے کہ وہ اپنے اثاثوں کا اعلان کریں۔

سندھ حکومت کا بدھ کو عام تعطیل کا اعلان

(24 نیوز )محنت کشوں کے عالمی دن کی مناسبت سے سندھ حکومت نے نے یکم مئی  کو صوبہ بھر میں عام تعطیل کا اعلان کر دیا ہے ۔

جرمن صدر دورہ ترکیہ پر کباب بنانے والا مشہور باورچی اور گوشت بھی ہمراہ لے آئے

( ویب ڈیسک) جرمن صدر  ترکیہ کے دورے پر کباب بنانے والے مشہور سرکاری باورچی اور 60 کلو گوشت ہمراہ لے آئے۔

میڈیا رپورٹ کے مطابق  جرمن  صدر  فرانک والٹر شٹائن مئر   کباب بنانے والے مشہور سرکاری شیف  عارف کلیس  اور 60کلوگوشت بھی جرمنی سے ہی ساتھ لیکر آئے تا  کہ سرکاری تقریب میں ڈونرکباب بنا کرمہمانوں کو کھلائے جائیں، جرمن صدر کے اس اقدام کو ڈونر ڈپلومیسی کا نام دیا جارہا ہے۔ 

ن لیگ نے نواز شریف سے پارٹی قیادت سنبھالنے کی درخواست کردی

(24 نیوز)پاکستان مسلم لیگ (ن )نے میاں نوازشریف سے پارٹی قیادت سنبھالنے کی درخواست کر دی۔
مسلم لیگ ن پنجاب کے صدر رانا ثنا اللہ نے دیگر رہنماﺅں کیساتھ پریس کانفرنس کرتے ہوئے کہاکہ پارٹی نے مریم نواز اور شہباز شریف کی کارکردگی پر اعتماد کا اظہار کیا ہے۔ ان کاکہناتھا کہ 2017 میں جبر کر کے نواز شریف کو پارٹی قیادت سے علیحدہ کیا گیا تھا ،نواز شریف سے دوبارہ پارٹی قیادت سنبھالنے کی درخواست کر دی گئی ہے ۔ن لیگ پنجاب کے صدر نے کہاکہ ہم وہی لیڈرشپ فراہم کریں گے جس کی عوام توقع رکھتے ہیں، نواز شریف عدالتوں سے سرخرو ہوئے ہیں ،ان کی چین سے واپسی پرتجاویز پیش کی جائیں گی۔
لیگی رہنما نے کہاکہ شہبازشریف ملک کو معاشی بحرانوں سے نکالنے کی کوشش کررہے ہیں ،مریم نواز پنجاب کے عوام کو ریلیف دینے کی بھرپور کوشش کر رہی ہیں،ان کاکہناتھا کہ ہم اپنی خامیوں اور کوتاہیوں پر قابو پائیں گے ، نواز شریف جو بیانیہ دیں گے وہ ہی بیانیہ رہے گا ، چاہے وہ مزاحمت کا ہو یا مفاہمت کا ،پارٹی کا بیانیہ اب وہ ہی رہے گا جس کی منظوری میاں نواز شریف دیں گے ۔

ڈالر کی قدر میں معمولی کمی ، دیگر کرنسیاں مہنگی ہو گئیں

(اشرف خان )حکومت کی جانب سے معاشی استحکام کی نوید تو اکثر سننے میں آ رہی ہے ،صورتحال تاحال واضح نہیں ہے کیونکہ گزشتہ 4 روز ڈالر روپے کو مسلسل روندتا رہا  البتہ آج انٹر بینک میں ڈالر 9 پیسے سستا ہوا ہے ۔

 مریم نواز پولیس کے بعد اب ایلیٹ فورس کی بھی وردی پہنیں گی

( راؤ دلشاد ) وزیراعلیٰ پنجاب مریم نواز نے پولیس کے بعد اب ایلیٹ فورس کی وردی پہننے کی تیاریاں شروع کردیں۔
تفصیلات کے مطابق وزیر اعلیٰ پنجاب مریم نواز نے پولیس ٹریننگ سینٹر کے بعد اب ایلیٹ فورس ٹریننگ سنٹر کادورہ کرنا ہے جس دوران وہ ایلیٹ فورس کی وردی پہنیں گیں، ان کے لئے ایلیٹ فورس کی جانب سے  سیاہ رنگ کی وردی بھی سلوا لی گئی ہے جو وہ رواں ہفتے پاسنگ آؤٹ پریڈ  کی تقریب میں پہنیں گی۔

دوسری جانب محکمہ پولیس نے بیدیاں روڈ پر ایلیٹ فورس کی پاسنگ آؤٹ پریڈ کیلئےتیاریاں مکمل کر لی ہیں تاہم پاسنگ آؤٹ پریڈ کیلئےحتمی تاریخ کا فیصلہ نہیں ہو سکا۔ 

منفی پروپیگنڈا ترقی اور خوشحالی کیلئے کام سے نہیں روک سکتا: آرمی چیف

(احمد منصور ) آرمی چیف جنرل سید عاصم منیر نے کہا ہے کہ پاکستان کی خوشحالی اور ترقی کے سفر میں کسی قسم کا عدم استحکام برداشت نہیں کیا جائے گا۔

آرمی چیف جنرل سید عاصم منیر نے گرین پاکستان انشی ایٹوو کانفرنس سے خطاب کرتے ہوئے کہا کہ ہم سب ملکر ٹیم پاکستان ہیں، انشاء اللہ ! عوام کے تعاون سے پاکستان کی ترقی کے سفر میں رخنہ ڈالنے اور توجہ ہٹانے والوں کی تمام کوششیں ناکام ہوں گی۔

سربراہ پاک فوج کا کہنا تھا کہ منفی پروپیگنڈا اور سوشل میڈیا ٹرولز ہماری توجہ پاکستان اور اُسکے عوام کی ترقی اور خوشحالی کیلئے کام کرنے سے نہیں روک سکتے، آج کے دور میں معاشی استحکام کے بغیر مکمل خود مختاری کا تصور ممکن نہیں، پاکستان کی خوشحالی اور ترقی کے سفر میں کسی قسم کا عدم استحکام برداشت نہیں کیا جائے گا۔

حکومت نے بانی پی ٹی آئی کومذاکرات کی دعوت دیدی

(24 نیوز)حکومت نے بانی پی ٹی آئی کومذاکرات کی دعوت دیدی،مسلم لیگ ن کے رہنماء سینیٹر عرفان صدیقی نے کہا ہے کہ بانی پی ٹی آئی قومی لیڈرہیں،ان کی طرف ہاتھ بڑھاتے ہیں،یہ بھی توہاتھ ملائیں۔

مسلم لیگ ن کے رہنماء سینیٹر عرفان صدیقی نے سینیٹ میں اظہار خیال کرتے ہوئے کہا ہے کہ نہیں چاہتے جوناانصافی ہمارے ساتھ ہوئی ، ان کیساتھ بھی ہو، حکومت نے بانی پی ٹی آئی کومذاکرات کی دعوت دیدی ۔

 مسلم لیگ ن کے سینیٹرعرفان صدیقی کا کہنا تھا کہ بانی پی ٹی آئی قومی لیڈرہیں،ہم آج بھی ان کی طرف ہاتھ بڑھاتے ہیں،یہ بھی توہاتھ ملائیں،اپوزیشن محمود خان اچکزئی اورمولانافضل الرحمان کے ساتھ بیٹھ سکتی ہے تو ہمارے ساتھ کیوں نہیں؟ مزیدکہا ہم سیاسی انتقام پر یقین نہیں رکھتے ۔ آج پاکستان میں کوئی سیاسی قیدی نہیں ۔

ان کا مزید کہنا تھا کہ شاہ محمودکوہتھکڑی میں دیکھ کردکھ ہوا۔ نہیں چاہتے جوناانصافی ہمارے ساتھ ہوئی وہ ان کے ساتھ ہو۔ہمیں توپانامہ کیس میں اپیل کا حق بھی نہیں دیا گیا تھا۔

ملک میں ہفتہ وار مہنگائی کی شرح میں مزید 1.1 فیصد کمی

 (عامر بھٹی)  ملک میں ہفتہ وار مہنگائی کی شرح میں مزید  1.1 فیصد کمی دیکھی گئی ہے جبکہ مجموعی مہنگائی کی شرح 26.94 فیصد  پر پہنچ گئی ہے ۔

ادارہ شماریات کی جانب سے جاری کردہ اعداد وشمار کے مطابق ایک ہفتے میں 15اشیاء مہنگی اور 10 اشیائے ضروریہ کی قیمتوں میں کمی ہوئی جبکہ 26اشیاء کی قیمتوں میں استحکام رہا۔

پاکستان کے امریکا سے درآمدات پر انحصار میں بڑی کمی

(24نیوز)رواں مالی سال پاکستان کے امریکا سے درآمدات پر انحصار میں بڑی کمی واقع ہوئی ۔

تفصیلات کے مطابق وزارت تجارت کے ذرائع کا کہنا ہے کہ مارچ 2024ء میں سالانہ بنیادوں پر امریکا سے درآمدات میں50 فیصد کمی ہوئی ہے، رواں مالی سال جولائی تا مارچ امریکا سے درآمدات 44 فیصد کم ہوئیں،مارچ 2024ء میں امریکا سے درآمدات کا حجم 8 کروڑ 73 لاکھ ڈالرز رہا، مارچ 2023ء میں امریکا سے درآمدات 17 کروڑ 47 لاکھ ڈالرز تھیں۔

رواں مالی سال جولائی تا مارچ امریکا سے امپورٹس 93 کروڑ 36 لاکھ ڈالرز رہیں جبکہ گزشتہ سال اسی مدت میں امریکا سے درآمدات کا حجم 1 ارب68 کروڑ ڈالرز تھا۔

مارچ میں امریکا کیلئے پاکستانی برآمدات میں سالانہ بنیادوں پر 2.1 فیصد کا اضافہ ہوا، گزشتہ ماہ امریکا کیلئے پاکستانی برآمدات 43 کروڑ ڈالرز رہیں جبکہ مارچ 2023ء میں امریکا کیلئے پاکستانی برآمدات کا حجم 42 کروڑ 18 لاکھ ڈالرز تھا۔

وزیراعظم بڑے بھائی،ہمارا تعلق مضبوط ہے اور رہے گا:وفاقی وزیرداخلہ

(اویس کیانی)وفاقی وزیرداخلہ محسن نقوی نے کہا ہے کہ  وزیراعظم کے ساتھ 25 سالہ پرانا تعلق ہے وہ بڑے بھائی ہیں ،ہمارا تعلق مضبوط ہے اور رہے گا۔اسلام آباد والوں کیلئے اچھی بات یہ ہے کہ آئی جی اسلام آباد نہ سوتے ہیں نہ سونے دیتے ہیں۔محسن نقوی نےوفاقی دارالحکومت میں سہولت سینٹر پہنچ گئے۔3 ماہ میں اسلام آباد کے تھانوں کی حالت تبدیل کرنے کا فیصلہ کرلیا ۔

وفاقی وزیر داخلہ محسن نقوی اسلام آباد پولیس فیسیلیٹیشن سنٹر پہنچ گئے ،آئی جی اسلام آباد نے وزیر داخلہ کا استقبال کیا ،وزیر داخلہ کا فیسیلیٹیشن سنٹر کا دورہ،آئی جی اسلام آباد پولیس نے بریفنگ دی ،وفاقی وزیر داخلہ محسن نقوی نے اسلام آباد پولیس فیسیلیٹیشن سنٹر کو  فوری طور پر عوام  کیلئے چوبیس گھنٹے کھلا رکھنے کے احکامات جاری کر دیے۔

 آئی جی صاحب سوتے ہیں نہ سونے دیتے ہیں:محسن نقوی 

 وفاقی وزیر داخلہ محسن نقوی نے میڈیا سے گفتگو کرتے ہوئے کہا ہے کہ اسلام آباد کیلئے اچھی بات یہ ہے یہ آئی جی صاحب سوتے ہیں نہ سونے دیتے ہیں ،خدمت مرکز کی عمارت کا ایک اور حصہ بھی کھلوا رہے ہیں ،یہ خدمت مزکر 24 گھنٹے کھلا رہے گا ،یہ خدمت مرکز 28 قسم کی سروسز دے رہے ہیں ،27 پولیس اسٹیشن کی ویڈیو بنا لیں 3 ماہ بعد ان کی شکلیں تبدیل ہو جائیں گی ۔

 ان کا کہنا تھا کہ جنگی بنیادوں پر ان پولیس اسٹیشنز کی حالت بہتر کر رہے ہیں،کرائم ریٹ کو نیچے لانا ہے ہر صورت ،لاہور میں 30 فیصد کرائم ریٹ کم کیا اور یہاں کرائم ریٹ کم کرنا مشکل نہیں ،مارگلہ ہلز پر سیکیورٹی بڑھا رہے ہیں اس کیلئے منصوبہ لا رہے ہیں۔

 ایک سوال کے جواب میں ان کا کہنا تھا کہ نظام میں جتنی بہتری لا سکتے ہیں لائیں گے انشاءاللہ ،اسلام آباد کی جیل اور فرانزک لیب کیلئے کام کا آغاز کر دیا ہے،عوام چاہتی ہے کہ کرائم کی ایف آئی آر رجسٹرڈ ہو ۔اس پر  کوئی کمپرومائز نہیں ہو گا ،ہر تھانے میں لکھا ہو گا کہ ایف آئی آر کتنے وقت میں رجسٹرڈ ہو گی۔

 ایک سوال کے جواب میں ان کا کہنا تھا کہ وزیراعظم کے ساتھ 25 سالہ پرانا تعلق ہے وہ بڑے بھائی ہیں ،ہمارا تعلق مضبوط ہے اور رہے گا۔

غیر قانونی افغانیوں کیخلاف کریک ڈاؤن کے حوالے سے جلد فیصلہ ہو گا 

اس سے قبل وفاقی وزیر داخلہ محسن نقوی کی صحافیوں سے غیر رسمی گفتگو میں کہا کہ اسلام آباد کے تمام تھانوں میں بہتری لانی ہے ،نوجوان پولیس جوانوں کو سامنے لائیں گے،اسلام آباد کے ٹریفک کے مسائل پر خصوصی توجہ دی جائے گی ،پاکستان میں سکھوں کے ویزے پر کام کیا جا رہا ہے،کوشش ہے سکھ برادری کیلئے ویزے کے حصول میں آسانی پیدا کریں،سکھ برادری کےویزے کی آسان پالیسی کیلئے کام کی ہدایت کر دی ہے،میری کوشش ہے سکھ برادری کیلئے مزید سہولیات پیدا کریں۔

سونا پھر بلندیوں پر، فی تولہ قیمت میں بڑا اضافہ

(24نیوز)سونا خریدنے والوں کیلئے بری خبر،ملک میں سونے کی قیمت آج تیسرے روز بھی بڑھی ہے۔

سونے کی قیمت میں 2500 روپے کا اضافہ ہو گیا،ایک تولہ سونا 2500 روپے اضافے سے 2 لاکھ 45ہزار روپے کا ہوگیا۔
رواں ہفتے اب تک فی تولہ سو نے کی قیمت میں 4100 روپے کا اضافہ ہوچکا ہے۔
10گرام سونا 2143 روپے اضافے سے 2 لاکھ 10 ہزار 48 روپے کا ہوگیا۔

عالمی بازار میں سونے کا بھاؤ 21 ڈالر اضافے سے 2323 ڈالر فی اونس ہے۔

الیکشن کمیشن نے آزاد ارکان اسمبلی کی سنی اتحاد کونسل میں شمولیت کوتسلیم کرلیا

 (24نیوز) تحریک انصاف اور سنی اتحاد کونسل کی سنی گئی ، الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کوتسلیم کرلیا ،الیکشن کمیشن نے قومی اسمبلی سیکرٹریٹ کو باضابطہ پارٹی پوزیشن سے آگاہ کردیا ۔

الیکشن کمیشن کی دستاویز میں کہا گیا ہے کہ سنی اتحاد کونسل میں 82 آزاد ارکان قومی اسمبلی شامل ہوئے، جس میں پنجاب سے 49 اور خیرپختونخوا کے 33 ارکان شامل ہوئے،دستاویز کے مطابق سنی اتحاد کونسل کو کوئی مخصوص نشست نہیں دی گئی جبکہ قومی اسمبلی میں سنی اتحاد کونسل دوسری بڑی جماعت ہے۔

دستاویز میں کہا گیا ہے کہ ن لیگ کے 120، پیپلزپارٹی کے 71 ارکان ہیں ، قومی اسمبلی میں 7 ارکان آزاد ہیں، ایم کیو ایم کے 21، جے یو آئی کے 11، ق لیگ کے پانچ ارکان ہیں،دستاویز کے مطابق آئی پی پی کے 4، ایم ڈبلیو ایم، پی کے میپ، بی این پی کا ایک ایک رکن ، پی ایم ایل ض، بی اے پی، نیشنل پارٹی کے ممبران کی تعداد ایک، ایک ہے۔

گنیز ورلڈ ریکارڈ کی سنچری پر 5لاکھ  کاچیک عرفان محسود نے واپس کر دیا

(24نیوز)  گنیز ورلڈ ریکارڈ میں سنچری بنانے والے ورلڈ ریکارڈ ہولڈر عرفان محسود نے خیبرپختونخوا  کے محکمہ کھیل کے حکام کے رویے پر ناخوشی کا اظہار کرتے ہوئے پانچ لاکھ روپے کا انعامی چیک واپس کر دیا ہے۔

تفصیلات کے مطابق عرفان محسود کو ان کی خدمات کے اعتراف میں پانچ لاکھ روپے کا انعامی چیک دیا گیا تاہم کھلاڑی نے یہ چیک اسپورٹس ایڈوائزر کے دفتر کے عملے کو واپس کردیا۔

عرفان محسود کا کہنا ہے کہ محکمہ کھیل کے حکام کا  یہ رویہ شرمناک تھا،  اگر کھیلوں کے حکام کھلاڑیوں کا احترام نہیں کر سکتے تو اُنہیں کچھ پیسوں کیلئے اپنے دفتر میں نہ بلائیں۔

لاکھوں ڈالر  کا  آرڈر، متحدہ عرب امارات میں پاکستانی  گوشت کی  ڈیمانڈ بڑھ گئی

(24نیوز) متحدہ عرب امارات کی منڈی میں پاکستان سے برآمد گوشت کی طلب بڑھ گئی،   پاکستانی کمپنی کو 40لاکھ ڈالر فروزن گوشت کی فراہمی کا آرڈر مل گیا۔ 

تفصیلات کے مطابق یو اے ای کی کمپنی نے پاکستانی کمپنی کو 40لاکھ ڈالر کا منجمد گوشت یو اے ای کو برآمد کرنے کا آرڈر دیا ہے۔ اس سلسلے میں دی اورگینک میٹ لمیٹڈ نے پاکستان اسٹاک ایکسچینج کو کو خط لکھ کر  آگاہ کردیا ہے۔

مارگلہ کی خوبصورت پگڈنڈیوں کو محفوظ بنانےکیلئے خصوصی گشت کا اعلان

(اویس کیانی) وفاقی وزیر داخلہ سید محسن رضا نقوی نے اسلام آباد میں مارگلہ ہائیکنگ ٹریلز کے ساتھ خاص طور پر غیر ملکی ہائیکنگ کے شوقین افراد کیلئے سیکیورٹی کو مضبوط بنانے کے منصوبوں کا اعلان کردیا۔

 وزیر داخلہ محسن نقوی کا کہنا ہے  کہ  مارگلہ ٹریل گشت  کا مقصد مارگلہ پہاڑیوں کے قدرتی راستوں کی حفاظت کرنا ہے جس میں غیر ملکیوں کے  پیدل سفر کرنے والوں کی حفاظت پر خصوصی توجہ دی جائے گی۔

اُنہوں نے بتایا کہ  وہ مارگلہ کی پہاڑیوں کی خوبصورت پگڈنڈیوں کو محفوظ بنانے کیلئے مارگلہ ٹریل گشت شروع کر رہے ہیں۔غیر ملکیوں کے لیے مارگلہ ہائیکنگ ٹریلز کی مزید حفاظت کے لیے پولیس ٹریل موٹر سائیکلیں، پولیس گھوڑے اور سپاہی پیدل گشت پر تعینات ہوں گے۔

پاک سرزمین پر افغانستان سے لائے جانے والے غیر ملکی اسلحہ کا استعمال،ایک بار پھر ثبوت سامنے آگئے

(24 نیوز)پاکستان  کی سر زمین پر افغانستان سے لائے جانے والے غیر ملکی اسلحہ کے استعمال کے ثبوت پھر منظرِ عام پرآگئے۔

افواج پاکستان گزشتہ دو دہائیوں سے دہشتگردی کے خلاف جنگ لڑ رہی ہے،سب پر یہ بات عیاں ہے کہ دہشتگردوں کو افغانستان میں امریکا کا چھوڑا ہوا اسلحہ دستیاب ہے

دہشتگردوں کو ہتھیاروں کی فراہمی نے خطے کی سلامتی کو خاطر خواہ نقصان پہنچایا ہے بالخصوص پاکستان میں دہشتگردی میں اضافہ دیکھنے میں آیا ہے۔

24-25 اپریل 2024 کو، سیکورٹی فورسز نے دہشت گردوں کی موجودگی کی اطلاع پر ضلع خیبر میں انٹیلی جنس پر مبنی آپریشن کیا،آپریشن کے دوران شدید فائرنگ کا تبادلہ ہوا جس کے نتیجے میں تین دہشت گردوں کو جہنم واصل کر دیا گیا جن میں دہشت گرد سرغنہ سہیل عرف عظمتو اور دہشت گرد سرغنہ حاجی گل عرف زرکاوی شامل ہیں،مارے گئے دہشت گردوں سے غیر ملکی اسلحہ جس میں M16/A4, AK-47 اسلحہ اور دیگر اسلحہ شامل تھا۔

22/23 اپریل 2024 کی رات، سیکیورٹی فورسز نے دہشت گردوں کی موجودگی کی اطلاع پر بلوچستان کے ضلع پشین میں انٹیلی جنس کی بنیاد پر آپریشن کیا، آپریشن کے دوران تین دہشت گردوں کو جہنم واصل کر دیا گیا اور ایک دہشت گرد کو زخمی حالت میں گرفتار کر لیا گیا جس کی شناخت افغان شہری کے طور پر ہوئی ہے،آپریشن کے دوران بھاری مقدار میں غیر ملکی اسلحہ جس میں M16/A4, AK-47, ہینڈ گرینیڈ اور دھماکہ خیز مواد بھی برآمد کیا گیا۔

 06 اپریل 2024 کو ضلح شمالی وزیرستان میں سیکیورٹی فورسز نے انٹیلی جنس آپریشن کیا،آپریشن کے دوران فائرنگ کے نتیجے میں 2 دہشتگردوں کو جہنم واصل کیا گیا،دہشتگردوں سے برآمد ہونے والا غیر ملکی اسلحہ تھا جس میں M16/A4، AK47، ہینڈ گرینیڈ اور دیگر اسلحہ شامل تھا،بی ایل اے کے دہشت گردوں نے 20 مارچ 2024 کو گوادر پورٹ اتھارٹی کمپلیکس پر بزدلانہ حملہ کرنے کی ناکام کوشش کی،جی پی اے پر حملے کے دوران بی ایل اے کے دہشتگردوں نے غیر ملکی اسلحے کا استعمال کیا جو کہ سیکیورٹی فورسز نے جوابی کاروائی میں برآمد کیا۔دہشتگردوں سے برآمد ہونے والے غیر ملکی اسلحے میں M-16/A4 ،AK-47، گرینیڈ لانچر اور ہینڈ گرینیڈ شامل تھے۔

 29 جنوری کو ضلح شمالی وزیرستان میں سیکیورٹی فورسز نے انٹیلی جنس آپریشن کیا ۔ آپریشن کے دوران فائرنگ کے نتیجے میں دہشتگرد نیک من اللہ کو جہنم واصل کیا گیا،دہشتگرد سے برآمد ہونے والا غیر ملکی ساخت کا تھا جس میں M-4 Carbine اور دیگر اسلحہ شامل تھا۔

 22 جنوری کو ضلع ژوب کے مقام سمبازا پر 7 دہشتگردوں کو سیکیورٹی فورسز نے جہنم واصل کیا،دہشتگردوں سے برآمد ہونے والا اسلحہ غیر ملکی ساخت کا تھا جس میں M-16/A2، AK-47، سلیپنگ بیگز، ہینڈ گرنیڈز اور دیگر اسلحہ شامل تھا۔

19 جنوری کو  ضلع میران شاہ میں پاک افغان سرحد پر بچی سر کے مقام پر میں سرحد پار کرنے والے 2 دہشتگردوں کو  سیکورٹی فورسز نے جہنم واصل کیا،دہشت گردوں سے برآمد ہونے والا اسلحہ غیر ملکی ساخت کا تھا جس میں M16/A4 AK-47 اور دیگر اسلحہ شامل تھا، افغان دہشت گرد پاکستان میں  داخل ہونے کی کوشیش کررہے تھے۔

 جنسی زیادتی کا جرم، فلم پروڈیوسر ہاروی وائنسٹین کی سزا منسوخ

(ویب ڈیسک)  جنسی زیادتی کے جرم میں قید ہالی ووڈ کے فلم پروڈیوسر ہاروی وائنسٹین  کو سنائی گئی سزا نیویارک کی عدالت نے منسوخ کردی۔

 عدالت نے قرار دیا ہے کہ ہاروی کو شفاف ٹرائل کا موقع ہی نہیں دیا گیا۔یاد رہے کہ ہاروی وائنسٹین کے خلاف الزامات 2017 میں سامنے آئے تھے جس کے بعد می ٹو مہم شروع ہوگئی تھی۔ 

ہاروی کو دو مقدمات کا سامنا تھا، پروڈکشن معاون کو جنسی طور پر ہراساں کرنے اور اداکارہ بننے کی خواہشمند کو جنسی زیادتی کا نشانہ بنانے کے جرم میں نیویارک میں اُنہیں 2020 میں 23 برس قید کی سزا سنائی گئی تھی۔