ایران جنگ؛چالیس کروڑ بیرل تیل محفوظ ذخائر میں سے نکال کر استعمال کرنے کا فیصلہ ہوگیا

(ویب ڈیسک) انٹرنیشنل انرجی ایجنسی IEA سٹریٹجک ذخائر سے 400 ملین بیرل تیل نکال کر مارکیٹ میں ڈالنے کا اعلان کر دیا ہے۔ مجوزہ ریلیز تقریباً چار دن کی عالمی پیداوار اور خلیج  سے  چل کر آبنائے ہرمز سے 16 دن میں گزرنے والے خام تیل کے حجم کے 16 دنوں کے برابر ہے۔ رکن ممالک اپنے اپنی محفوظ ذخائر میں سے کروڈ آئل نکال کر اپنی اپنی مارکیٹ میں مقامی استعمال کنندگان کو فراہم کریں گے جس سے کروڈ آئل کی قیمت بڑھنے کا رجحان کچھ تھمے گا۔ 

سٹریٹیجک ذخائر سے کروڈ آئل کی یہ ریلیز  182 ملین بیرل تیل  کی ریلیز سے دوگنا سے کچھ زیادہ ہے  جو انٹرنیشنل انرجی ایجنسی کے رکن ممالک نے  2022 میں یوکرین پر روس کے حملے کے بعد  ریلیز کرنے کی منطوری دی تھی۔

انٹرنیشنل انرجی ایجنسی کا یہ فیصلہ  تیل پیدا کرنے والے عرب ممالک کی پیداوار میں کمی اور ان ممالک سے کروڈ آئل کی دنیا کو آبنائے ہرمز کے راستے سپلائی میں آنے والی رکاوٹوں سے پیدا ہونے والے بحران کم کم کرنے کے لئے کیا گیا ہے۔

یہ بھی پڑھیئے:  اسرائیل، امریکہ اور ایران کے حملوں میں ہونے والے جانی نقصانات کی تفصیل

الجزیرہ نیوز کی رپورٹ کے مطابق بین الاقوامی توانائی ایجنسی (IEA) نے ایران کے خلاف امریکہ اسرائیل جنگ کے دوران توانائی کی عالمی قیمتوں میں اضافے کا مقابلہ کرنے کی کوشش میں اپنے  رکن ممالک کے اسٹریٹجک ذخائر سے 400 ملین بیرل(چالیس کروڑ بیرل) خام تیل چھوڑنے پر اتفاق کیا ہے۔

آئی ای اے کے ایگزیکٹو ڈائریکٹر فاتح بیرول نے بدھ کے روز ایک بیان میں کہا کہ "تیل کی منڈی کے جن چیلنجوں کا ہم سامنا کر رہے ہیں وہ  پہلے کبھی نہین دیکھے گئے۔  اس لیے مجھے بہت خوشی ہے کہ IEA کے رکن ممالک نے غیر معمولی سائز کی ہنگامی اجتماعی کارروائی کے ساتھ جواب دیا ہے۔"

فاتح بیرول نے کہا، "مارکیٹ کے لیے کافی راستوں کے بغیر اور مزید ذخیرہ کا انتظام کئے بغیر، مشرق وسطیٰ کے تیل پیدا کرنے والے ملکوں نے پیداوار کو کم کرنا شروع کر دیا ہے۔" "اور ہم نے توانائی اور توانائی سے متعلقہ بنیادی ڈھانچے کو مزید حملے اور نقصان کا شکار دیکھا ہے۔ ریفائنری کے کاموں میں بھی خلل پڑا ہے، خاص طور پر جیٹ فیول اور ڈیزل کی سپلائی پر بڑے مضمرات کے ساتھ۔"

یہ بھی پڑھیں:   65 ہزار 29 میٹرک ٹن خام تیل لے کربحری جہاز کراچی پہنچ گیا 

IEA کے رکن ممالک کے پاس 1.2 بلین بیرل (ایک ارب بیس کروڑ بیرل)سے زیادہ ہنگامی تیل کا ذخیرہ ہے جسے ہنگامی ضرورتوں کے لئے رکھا گیا ہے۔ اس لئے اسے سٹیٹیجک ذخیرہ کہا جاتا ہے۔اس ذخیرے  کے ساتھ ساتھ  مزید 600 ملین بیرل صنعتی سٹاک حکومتی ذمہ داری کے تحت رکھے گئے ہیں۔

جب سے امریکہ اور اسرائیل نے 28 فروری کو ایران کے ساتھ اپنی جنگ شروع کی ہے، ایران نے آبنائے ہرمز کو مؤثر طریقے سے بند کر دیا ہے،  ہرمز کی آبنائے خلیجی ریاستوں سے  تیل کی دنیا کو ایکسپورٹ کے لیے ایک اہم شپنگ روٹ ہے، اور جہاز رانی پر حملے کی دھمکی دے کر ایران نے اس راستے کو عملاً مسدود کر رکھا ہے۔ عالمی تیل اور گیس کی سپلائی کا تقریباً پانچواں حصہ آبی گزرگاہ سے گزرتا ہے۔ دنیا کئی روز سے تیل کی پیداوار کے اس پانچویں حصے  میں سے بیشتر سے محروم ہے جس کے سبب آئل مارکیٹ اتھل پتھل ہو رہی ہے۔

یہ بھی پڑھیئے:  ٹرمپ کی دھمکی کےبعد پاسداران کی مزید دھمکیوں کے ساتھ ہرمز میں جنگی کارروائیاں، تین جہازوں کا نقصان 

امریکی اور اسرائیلی حملوں کے جواب میں، ایران نے خلیجی عرب ریاستوں میں تیل کے ذخیروں اور ریفائنریوں کو بھی نشانہ بنایا ہے، جس کا مقصد عالمی سطح پر معاشی درد پیدا کرنا ہے تاکہ امریکہ اور اسرائیل پر جنگ کو روکنے کے لیے دباؤ ڈالا جا سکے۔ ایران کے حملوں کے نتیجے میں قطر گیس کی پیداوار کم کر چکا ہے، سعودی عرب، بحرین اور متحدہ عرب امارات کی کروڈ آئل کی پیداوار گری ہے۔

28 فروری کو امریکہ اور اسرائیل کی جنگ شروع ہونے کے بعد سے بین الاقوامی بینچ مارک برینٹ خام تیل 25 فیصد سے زیادہ بڑھ گیا تھا تاہم گزشتہ روز صدر ٹرمپ کے جنگ جلد ختم کرنے کے اعلان سے تیل کی قیمت قدرے کم ہو کر  120  ڈالر فی بیرل سے 92 ڈالر فی بیرل تک واپس آئی۔

اس ہفتے کے شروع میں (پیر کے روز)، برینٹ 119 ڈالر فی بیرل پر ٹریڈ کر رہا تھا، روس کے یوکرین پر حملے کے بعد 2022 کے بعد پہلی بار کروڈ آئل  کی قیمت 100 ڈالر فی بیرل سے زیادہ  ہوئی تو مارکیٹ میں بھونچال جیسی کیفیت ہو گئی تھی۔

IEA کے اعلان کے بعد، نیویارک میں آئل مارکیٹ میں ٹھہراؤ کے بظاہر کوئی آثار نظر نہیں آئے۔ کم از کم آج بدھ کی رات (نیویارک میں دوپہر) تک کچھ فرق نمایاں نہیں ہوا۔ 

اب بھی برینٹ 90 ڈالر فی بیرل سے زیادہ پر ٹریڈ کر رہا ہے۔  تجزیہ کاروں کا کہنا ہے کہ آبنائے ہرمز میں بحری جہازوں پر حملوں کے بعد سپلائی میں مزید رکاوٹ کے خدشات کو کم کرنے کے لیے ریکارڈ ریلیز بھی ناکافی ہے۔

یہ بھی پڑھیئے:  خام تیل کی قیمتوں میں پھر تیزی  آ گئی

مجوزہ ریلیز تقریباً چار دن کی عالمی پیداوار اور خلیج  سے  چل کر آبنائے ہرمز سے 16 دن میں گزرنے والے خام تیل کے حجم کے 16 دنوں کے برابر ہے۔

کچھ تجزیہ کاروں نے   کہا، "اگر یہ زیادہ نہیں لگتا تو ایسا نہیں ہے۔"

ریکارڈ ریلیز، یہ ریلیز کیسے کام کرے گا
جرمنی اور آسٹریا نے قبل ازیں کہا تھا کہ وہ اپنے تیل کے ذخائر کے کچھ حصے ریلیز کریں گے جب کہ رکن ممالک کی جانب سے ایران کی جنگ کی وجہ سے توانائی کی قیمتوں میں اضافے کو روکنے کے لیے ریکارڈ 400 ملین بیرل جاری کرنے کی درخواست کی گئی تھی۔ جاپان نے یہ بھی کہا کہ وہ پیر سے اپنے کچھ ذخائر ریلیز  کرے گا۔

ایک بیان میں، برطانیہ نے کہا کہ وہ IEA کی ریلیز میں 13.5 ملین بیرل تیل کا حصہ ڈالے گا۔ جنوبی کوریا نے یہ بھی اعلان کیا کہ وہ اپنے سٹریٹیجک  ذخائر سے 22.46 ملین بیرل تیل فراہم کرے گا۔

سٹریٹیجک ذخائر کی ریلیز سے  انٹرنیشنل انرجی ایجنسی کے رکن ممالک مین مقامی استعمال کنندگان کو آبنائے ہرمز سے سپلائی رکنے سے پیدا ہوئے خوف سے نکلنے اور سپلائی میں کچھ بہتری آنے سے قیمت کو مستحکم کرنے میں مدد ملے گی۔

ٹرانزٹ کا مسئلہ ہے، مسئلہ عارضی ہے۔ امریکی وزیر داخلہ کی ضد

امریکی وزیر داخلہ ڈوگ برگم نے  فاکس نیوز کے ساتھ ایک انٹرویو کے دوران، کروڈ آئل کی منصوبہ بند ریلیز  کی رپورٹوں کا خیرمقدم کیا۔

انہوں نے کہا کہ "یہ بہترین وقت ہے کہ ان میں سے کچھ  ذخائر کو  ریلیز کرنے کے بارے میں سوچیں تاکہ عالمی قیمت سے کچھ دباؤ کو دور کیا جا سکے۔"

تاہم، انہوں نے کہا کہ انہیں یقین نہیں ہے کہ جنگ کے نتیجے میں دنیا کو توانائی کی کمی کا سامنا ہے۔

"ہمیں ٹرانزٹ کا مسئلہ درپیش ہے، جو کہ عارضی ہے،" انہوں نے کہا۔

یہ بھی پڑھیئے:  ایران کو جوہری ہتھیاروں کی اجازت نہیں دے سکتے:اٹلی

انہوں نے مزید کہا کہ "آپ کو ٹرانزٹ کا ایک عارضی مسئلہ ہے جسے ہم فوجی اور سفارتی طور پر حل کر رہے ہیں، جسے ہم حل کر سکتے ہیں اور کریں گے۔"

جبکہ بدھ کو تیل کی قیمتیں ری باؤنڈ ہوئیں،  تجزیہ کاروں نے کہا ہے کہ روزانہ IEA کی اعلان کردہ مقدار میں سے کتنی مقدار روزانہ ریلیز ہوتی ہے، یہ نکتہ زیادہ اہم ہے، مجموعی مقدار کتنی بھی ہے، مارکیٹ کے استحکام کیلئے  اہم یہ ہے کہ آج کتنا تیل ریلیز ہو رہا ہے۔ 

چالیس کروڑ بیرل کروڈ آئل کی ریلیز کا  اعلان منگل کو پیرس میں آئی ای اے کے ہیڈکوارٹر میں گروپ آف سیون (جی 7) کے توانائی کے وزراء کی ملاقات کے ایک دن بعد سامنے آیا ہے۔ اس اجلاس کا مقصد یہ تھا کہ قیمتوں کو کم کرنے کے طریقوں پر غور کیا جا سکے۔

یہ بھی پڑھیئے:   غضب للحق اَپ ڈیٹ؛  افغان طالبان رجیم کے641 کارندے ہلاک، طالبانوں کی 243 چیک پوسٹیں تباہ 

انٹرنیشنل انرجی ایجنسی کے ایگزیکٹو ڈائریکٹر بیرول نے اس کے بعد کہا کہ انہوں نے تمام دستیاب آپشنز پر تبادلہ خیال کیا، بشمول IEA ایمرجنسی آئل سٹاک کو مارکیٹ میں دستیاب کرنا۔

IEA ذخائر 1974 میں عرب تیل کی پابندی کے بعد، عالمی تیل کی سپلائی کو  مستحکم  رکھنے کے لیے قائم کیے گئے تھے۔