سدھارتھ ملہوترا اور کیارا ایڈوانی نےبیٹی کی پہلی تصویر شیئر کردی
Stay tuned with 24 News HD Android App
(ویب ڈیسک)بالی ووڈ کے مشہور اداکار سدھارتھ ملہوترا اور کیارا ایڈوانی نے اپنی بیٹی کی تصاویرشیئرکردیں۔
سدھارتھ ملہوترا اور کیارا ایڈوانی نے 2025 کا کرسمس اپنے گھر پر اپنی بیٹی سرایاہ ملہوترا کے ساتھ منایا جو جولائی میں پیدا ہونے کے بعد اس کا پہلا تہوار تھا۔
انسٹاگرام پر جوڑے نے چند نجی لمحات شیئر کیے، جن میں بیٹی سرایاہ سرخ مخملی لباس میں نظر آئیں، جس پر سنہری کڑھائی میں ’’میرا پہلا کرسمس‘‘ درج تھا۔
کیارا ایڈوانی نے تصویر کے ساتھ خوشی کا اظہار کرتے ہوئے بیٹی کو ’’ننھی مس کلاز‘‘ قرار دیا، تاہم تصویر میں بچی کا چہرہ زیادہ تر چھپا ہوا تھا۔
جوڑے نے کرسمس ٹری کی ایک مختصر ویڈیو بھی شیئر کی، جس پر سرخ گلوبز میں سدھارتھ، کیارا اور سرایاہ کے نام درج تھے، جس میں نرم کرسمس دھنیں سنائی دے رہی تھیں۔
واضح رہے کہ سدھارتھ ملہوترا اور کیارا ایڈوانی کی شادی 2023 میں ہوئی تھی، جوڑے نے 15 جولائی کو اپنی بیٹی کی پیدائش کا اعلان کیا تھا اور اس کے بعد فوٹوگرافرز سے اپیل کی تھی کہ وہ بچی کی پرائیویسی کا احترام کریں۔
یہ بھی پڑھیں:حمزہ سہیل کیساتھ شادی؟سجل علی نے خاموشی توڑ دی
ممبئی میں حالیہ تقریب کے دوران سدھارتھ ملہوترا نے بتایا کہ باپ بننے کے بعد ان کی زندگی میں نمایاں تبدیلی آئی ہے اور اب ان کے دن کا آغاز بیٹی کو صبح کی مالش دینے سے ہوتا ہے، جبکہ وہ مزاحیہ انداز میں تسلیم کرتے ہیں کہ اپنی بیٹی کے سامنے وہ کئی بحثیں پہلے ہی ہار چکے ہیں۔