سائرہ بانو سے ملاقات ۔۔شاہ رخ پر سوشل میڈیا صارفین  کی تنقید 

(ما نیٹرنگ ڈیسک)شاہ رخ خان کو دلیپ کمار اور سائرہ بانو اپنا منہ بولا بیٹا کہتے تھے اور شاہ رخ خان بھی انہیں اپنے والد کا درجہ دیتے تھے۔ یہی وجہ ہے کہ دلیپ کمار کے انتقال کی خبر سن کر شاہ رخ خان ان کے گھر سب سے پہلے پہنچنے والے افراد میں شامل تھے۔

تفصیلات کے مطابق شاہ رخ خان دلیپ کمار کے گھر پہنچے اور ایک بیٹے کی طرح سائرہ بانو کو دلاسہ دیتے رہے جب کہ سائرہ بانو بھی کنگ خان کے سامنے رو کر اپنے دل کا بوجھ ہلکا کرتی رہیں۔ دونوں کی ایک دوسرے کو دلاسہ دینے کی تصویر سوشل میڈیا پر وائرل ہوگئی اور لوگ شاہ رخ خان کے اس عمل کی وجہ سے انہیں  سراہ رہے ہیں تاہم کچھ لوگ ان پر تنقید بھی کررہے ہیں۔

یہ بھی پڑھیں: معروف ماڈل۔۔اداکارہ 22 ویں منزل سے نیچے گر کر دم تو ڑگئیں۔۔ویڈیو وا ئرل

صارفین سوشل میڈیا پر وائرل ہونے والی تصویر پر تنقیدی تبصرے کرتے ہوئے اس بات پر اعتراض کررہے ہیں کہ شاہ رخ خان سائرہ بانو کو دلاسہ دیتے وقت ان کے گھر کے اندر موجود تھے تو اس وقت انہوں نے آنکھوں پر دھوپ کا چشمہ کیوں لگایا ہوا تھا۔ جب کہ کچھ لوگوں کا کہنا ہے کہ شاہ رخ خان نے ماسک نہیں پہنا۔ کچھ لوگوں نے کہا شاہ رخ خان نے اسٹائل مارنے کے لیے گھر کے اندر بھی چشمہ پہنا ہے۔

دوسری جانب کچھ  صا رفین شاہ رخ خان کی حمایت میں بھی سامنے آئے اور تنقید کرنے والوں کو جواب دیا کہ آخری رسومات کے وقت کوئی کیسا نظر آتا ہے اس سے کوئی فرق نہیں پڑتا۔ ہوسکتا ہے وہ اپنی شوٹنگ ادھوری چھوڑ کر آئے ہوں۔

How can you hate this Man ? #ShahRukhKhan

most respected person @iamsrk ❤️ pic.twitter.com/vCI0ovMZwm

— FIROZ (@FirozSRKsFan) July 7, 2021

یہ بھی پڑھیں: ما ڈل میرب علی سے منگنی کی یا نہیں۔۔گلو کا ر عا صم اظہر میدا ن میں آگئے