دانیہ شاہ کے الزامات۔عامر لیاقت نے بڑا قدم اٹھا لیا

(ویب ڈیسک)تحریک انصاف  کے رکن اسمبلی، ٹی وی میزبان عامر لیاقت حسین  نے اپنی تیسری اہلیہ دانیہ ملِک کو الزامات لگانے اور لیک ویڈیو کی گواہ بننے پر معاف کر دیا۔

سماجی رابطے کی ویب سائٹ ٹوئٹر پرعامر لیاقت حسین گزشتہ روز کافی متحرک نظر آئے، انہوں نے اپنی لیک ویڈیو پر بھی ردِ عمل دیا اور اداروں سے ناراضی کا اظہار کرتے ہوئے ویڈیو لیک کے معاملے پر ایف آئی اے سے ایکشن لینے کا مطالبہ کیا،عامر لیاقت حسین کا دانیہ ملِک سے متعلق ایک ٹوئٹ میں کہنا تھا کہ’ ’میں رضائے الہٰی اور خوشنودی رسولؐ کی خاطرعزتوں کے محافظ کو گواہ بنا کر دانیہ کومعاف کرتا ہوں اور اللّٰہ سے ملتجی ہوں کہ وہ بھی اسے معاف فرمادے ! میں تیرا یہ حکم بجالایا۔‘‘

میں رضائے الہی اور خوشنودی رسول صلی اللہ علیہ وآلہ وسلم کی خاطرعزتوں کے محافظ کو گواہ بنا کردانیہ کومعاف کرتا ہوں اور اللہ سے ملتجی ہوں کہ وہ بھی اسے معاف فرمادے !! میں تیرا یہ حکم بجالایا

ھُنَ لباسُ لَکُم وَانتُم لِباسُ لھُنّ

وقت مقررہ پرتجھ سے اطمینان والی موت کاطلب گار ہوں

— Aamir Liaquat Husain (@AamirLiaquat) May 11, 2022

 عامر لیاقت حسین نے ٹوئٹ میں مزید لکھا کہ ’وقتِ مقررہ پرتجھ سے اطمینان والی موت کاطلب گار ہوں۔‘

خیال رہے کہ عامر لیاقت حسین نے گزشتہ روز اپنی نازیبا ویڈیو لیک ہونے پر  ردِ عمل دیتے ہوئے کہا تھا کہ ’سب پوچھ رہے ہیں کہ برہنہ ویڈیو پر آپ کا مؤقف کیا ہے؟ جواب یہ ہے کہ جن کی ذمہ داری تھی کہ کسی کی عزت نہ اچھالی جائے اور ایسی ویڈیوز لگانے والوں کوگرفتار کیا جائے ان کا مؤقف کیا ہے۔‘

یہ بھی پڑھیں: عامر لیاقت نے شادی کیوں کی؟دانیہ شاہ نے ایک اور راز فاش کر دیا