لیہ میں پنجاب کی تاریخ کے سب سے بڑے دھی رانی پروگرام کا انعقاد ، 371 جوڑوں کی اجتماعی شادی

(زاہد سرفراز)لیہ میں پنجاب کی تاریخ کے سب سے بڑے دھی رانی پروگرام کا انعقاد ، 371 جوڑے شادی کے بندھن میں بندھ گئے، صوبائی وزیر شوکت بٹ نے نئے جوڑوں میں سلامی کے اے ٹی ایم کارڈز تقسیم کیے۔

وزیر اعلی پنجاب مریم نواز نے لیہ کے نئے جوڑوں کی زندگی میں رنگ بھر دیئے، لیہ میں پنجاب کی تاریخ کے سب سے بڑے دھی رانی پروگرام کا انعقاد کیا گیا، 371 جوڑے دھی رانی پروگرام کے تحت شادی کے بندھن میں بندھ گئے،سپورٹس کمپلکس لیہ میں اجتماعی شادیوں کے سینکڑوں افراد کے لیے انتظامات کیے گئے۔
نئے جوڑوں کو پنڈال میں گھوڑوں ، اونٹوں کے ساتھ لایا گیا، ڈپٹی کمشنر آصف علی ڈوگر نے نئے جوڑوں کو پنڈال امد پر خوش آمدید کہا۔

صوبائی وزیر سوشل ویلفیئر سہیل شوکت بٹ کا کہنا تھا کہ وزیر اعلی پنجاب ہر شعبہ ہائے زندگی سے تعلق رکھنے والے افراد کے لیے اقدامات کررہی ہے۔

یہ بھی پڑھیں:العلاء کانفرنس 2026 میں وزیر خزانہ محمد اورنگزیب کی سعودی اور عالمی بینک حکام سے اہم ملاقاتیں

ڈپٹی کمشنر آصف علی ڈوگر کا کہنا تھا کہ وزیر اعلی پنجاب کے اقدام سے 371 جوڑوں نے زندگی کا سفر شروع کیا ،نئے جوڑوں نے شاندار انتظامات اور دھی رانی پروگرام پر وزیر اعلی پنجاب کے اقدام کو سراہا۔

تقریب میں ام پی اے سمیہ عطا ، سابق صوبائی وزیر مہر اعجاز اچلانہ ، ایم پی اے علی اصغر گرمانی کے بھائی حسنین گرمانی، سابق ایم این اے فیض الحسن سواگ ، ضلعی صدر ن لیگ مہر اسلم سمرا ، سابق ایم پی ایز عبد الشکور، لالہ طاہر، عابد علوی، حاجی احسن ، محبوب الحسن بھی  شریک ہوئے، مہمانوں نے شاندار انتظامات پر انتظامیہ کو سراہا۔