نیٹ فلیکس میں 10 سال بعد بڑی تبدیلیاں

(ویب ڈیسک)عالمی اسٹریمنگ پلیٹ فارم نیٹ فلیکس نے اپنے ہوم پیج میں ایک بڑی تبدیلی کا اعلان کردیا۔

کمپنی نے 2013ء کے بعد پہلی بار صارفین کےلیے نئی ترتیب، ڈیزائن اور فیچرز متعارف کروانے کا فیصلہ کیا ہے۔

نیٹ فلیکس کا نیا ٹی وی ہوم پیج اب ایپل ٹی وی کی طرح  مین مینو کو بائیں جانب سے ہٹا کر درمیان میں لے آئے گا۔

رپورٹس کے مطابق مواد کی تفصیلات کو مختصر کیا جائے گا اور سفارشات کو ناظرین کے دیکھنے کے وقت اور براؤزنگ کی بنیاد پر حقیقی وقت میں اپ ڈیٹ کیا جائے گا۔

نئے مینو میں اب فلموں اور ڈراموں کے ساتھ ساتھ لائیو ایونٹس اور گیمنگ مواد کو بھی نمایاں کیا جائے گا۔

نیٹ فلیکس نے اعلان کیا ہے کہ وہ اپنی موبائل ایپ پراے آئی سے چلنے والی سرچ اور ویڈیو فیڈ کے فیچرز کا تجربہ بھی کرے گا، جس سے صارفین عام گفتگو کی زبان میں مواد تلاش کر سکیں گے۔

یہ بھی پڑھیں: یاسین ملک کی بیٹی کا کشمیر میں شہیدہونیوالی 2مساجد کی تعمیر کا فیصلہ

ٹک ٹاک ورٹیکل ویڈیو فیڈ کی طرز پر مختصر کلپس پر مبنی ویڈیوز کی ایک اسکرول ایبل فیڈ متعارف کروائی جائے گی، جس کے ذریعے صارفین نئی فلمیں یا شوز دریافت کر سکیں گے،یہ فیچرز ابھی صرف مخصوص صارفین کے لیے آزمائشی طور پر دستیاب ہوں گے۔