راہ چلتی نرس کو موٹر سائیکل پر بیٹھنے کی آفر نوجوان  کو مہنگی پڑ گئی

Sep 30, 2021 | 15:46:PM
پولیس،سی سی پی او ، 15پر کال، گرفتار 
کیپشن: راہ چلتی نرس کو موٹر سائیکل پر بیٹھنے کی آفر نوجوان  کو مہنگی پڑ گئی

(ویب ڈیسک) لاہور کے علاقےریس کورس میں نرس کو ہراساں کرنے والے اوباش نوجوان کو پولیس نے گرفتار کرلیا۔

پولیس کے مطابق شعیب نامی اوباش نے کام پر جاتی نرس کو زبردستی موٹرسائیکل پر بٹھانے کی کوشش کی، لڑکی کے انکار پر ملزم نے سنگین نتائج کی دھمکیاں دینا شروع کر دیں، ملزم لڑکی کا پیچھا کرتا رہا اور مسلسل ہراساں کرتا رہا۔لڑکی نے موٹرسائیکل کا نمبر یاد کرکے 15پر کال کردی جس پر پولیس نےفوری ردعمل دیتے ہوئے ملزم کو دھر لیا ۔

سی سی پی او لاہور غلام محمود ڈوگر  کا کہنا ہے کہ خواتین و بچوں کا جنسی استحصال کسی صورت برداشت نہیں،اس طرح کے واقعات کی روک تھام کےلئے پولیس24 گھنٹے چوکس ہے۔

یہ بھی پڑھیںشراب پی کر گاڑی چلانا معروف اداکارہ کو مہنگا پڑ گیا