نائب وزیراعظم اسحاق ڈار کی آذربائیجان کے صدر کے خصوصی نمائندے سے ملاقات

(انور عباس)نائب وزیراعظم اسحاق ڈار نے آج آذربائیجان کے صدر کے خصوصی نمائندے خلیف خلیفوف سے ملاقات کی۔

ترجمان دفتر خارجہ طاہر حسین اندرابی کے مطابق آذربائیجانی صدر کے نمائندے نے سی آئی سی اے کی صدارت کے تحت جاری اور آئندہ اقدامات پر تفصیلی بریفنگ دی۔

طاہر حسین اندرابی نے بتایا کہ پاکستان نے سی آئی سی اے میں آذربائیجان کے قائدانہ کردار اور علاقائی تعاون کے فروغ کے لیے اپنی مکمل حمایت کا اعادہ کیا۔

ملاقات کے دوران پاکستان اور آذربائیجان کے مابین دوطرفہ تعاون کو مزید مضبوط بنانے کے امکانات پر بھی تبادلۂ خیال کیا گیا۔

یہ بھی پڑھیں :  سی ایس ایس تحریری امتحانات کیلئے رجسٹرڈ امیدواروں کیلئے اضافی ہدایات جاری