مفتاح اسماعیل نے پیٹرولیم مصنوعات کی قیمتوں کے حوالے سے بُری خبر سنا دی

May 29, 2022 | 11:20:AM
پیٹرولیم مصنوعات،وزیر خزانہ،عندہ
کیپشن: پی ٹی آئی حکومت نے روس سے کوئی معاہدہ نہیں کیا تھا: وزیر خزانہ
Stay tuned with 24 News HD Android App
Get it on Google Play

(ویب ڈیسک) مہنگائی سے تنگ عوام کے لئے ایک اور بُری خبر، وزیر خزانہ مفتاح اسماعیل نے پیٹرولیم مصنوعات کی قیمتوں میں مزید اضافے کا عندیہ دے دیا۔

 وزیر خزانہ مفتاح اسماعیل نے نجی پروگرام میں گفتگو کرتے ہوئے کہا کہ پیٹرولیم مصنوعات پر سبسڈی مزید ختم کی جائے گی؟ مفتاح اسماعیل نے یہ بھی کہا کہ پیٹرولیم سبسڈی پر فیصلے میں تاخیر سے قومی خزانے کو 135 ارب روپے کا نقصان ہوا۔

یہ خبر بھی پڑھیں:تیز ہواؤں، آندھی اور گرج چمک کیساتھ بارش کی پیشگوئی

روس کے ساتھ تیل کے سستے معاہدے کے حوالے سے مفتاح اسماعیل کا کہنا تھا کہ پی ٹی آئی حکومت نے روس سے کوئی معاہدہ نہیں کیا تھا، حماد اظہرکے خط کا ماسکو سے کوئی جواب نہیں آیا تاہم نئی حکومت روس سے گندم لینے کی کوشش کرے گی اور روس نے کوئی راستہ نکالا تو سستا تیل بھی خریدا جائے گا۔

 قبل ازیں اسلام آباد میں پریس کانفرنس کرتے ہوئے وزیر خزانہ مفتاح اسماعیل کا کہنا تھا کہ جون میں آئی ایم ایف سے معاہدہ ہو جائے گا، تین ارب ڈالرز آئيں گے، ایک ارب ڈالرز سے زیادہ ورلڈ بینک سے بھی مل جائيں گے۔