ایران، امریکا معاہدے سے اسرائیل کمزور ہوگا: مشاہد حسین سید

(24 نیوز )سینئر سیاستدان اور چیئرمین پاک چائنا انسٹیٹیوٹ مشاہد حسین سید نے کہا ہے کہ ایران اور امریکا کے معاہدے سے اسرائیل کمزور ہوجائے گا، نجی ٹی وی سے گفتگو کرتے ہوئے  مشاہد حسین سید نے کہا کہ اگر ایران اور امریکا کے درمیان کوئی معاہدہ ہو جائے تو اس سے اسرائیل کمزور ہوگا، جس کا فائدہ فلسطین اور کشمیر کو ہوگا۔

انہوں نے کہا کہ جب تک مسئلہ کشمیر حل نہیں ہوگا جنوبی ایشیاء میں پائیدار امن قائم نہیں ہوسکتا، اسی طرح مشرق وسطیٰ میں پائیدار امن نہیں ہوسکتا جب تک مسئلہ فلسطین حل نہیں ہوتا۔

دفاعی تجزیہ کار جنرل (ر) عبدالقیوم نے کہا کہ مسئلہ فلسطین اور کشمیر کا چولی دامن کا ساتھ ہے، اُن کا کہنا تھا کہ مشرق وسطیٰ میں سب بڑا مسئلہ فلسطینیوں کے حق خودارادیت کا ہے، مسجد اقصیٰ کی آزادی کا ہے۔
 
 
 یہ بھی پڑھیں :نواز شریف کی طرح کسی لیڈر نے فنکاروں کو سپورٹ نہیں کیا: وسیم عباس