6فٹ 3انچ لمبے بال عطیہ کرنیوالی خاتون کا نام گینز بک آف ورلڈ ریکارڈ میں شامل
Stay tuned with 24 News HD Android App
(24نیوز)ورجینیا کی لمبے ترین بال رکھنے والی 30 سالہ پاکستانی نژاد خاتون نے 17 سال کے بعد بال کٹواکر 6 فٹ 3 انچ کے بال عطیہ کیے اور گنیز بک آف ورلڈ ریکارڈ میں اپنا نام درج کروایا۔
تفصیلات کے مطابق دنیا بھر میں ایسے کئی لوگ پائے جاتے ہیں جو سخاوت میں اپنی مثال آپ ہوتے ہیں لیکن حال ہی میں ورجینیا سے تعلق رکھنے والی خاتون زہاب کمال خان نے منفرد عالمی ریکارڈ بناکر ایک انوکھی مثال قائم کی ہے۔خاتون کے بال کٹوانے کی ویڈیو سوشل میڈیا پر تیزی سے وائرل ہو رہی ہے جس میں انھیں پہلے لمبے اور پھر چھوٹے بالوں میں بھی دیکھا جا سکتا ہے۔
WORLD RECORD | A 30-year-old Pakistani professional #squash player Zahab Kamal got her first haircut since age 13 and set a #GuinnessWorldRecord by donating 6 feet, 3 inches of hair, most hair donated to a charity by an individual.#TOKAlert pic.twitter.com/o8rS7D8doe
— The Times of Karachi (@TOKCityOfLights) August 27, 2021
غیر ملکی رپورٹس کے مطابق پاکستان کی پروفیشنل اسکواش کھلاڑی زہاب کمال خان نے بتایا کہ ان کے والد نے انھیں 13 سال کی عمر میں مشورہ دیا تھا کہ وہ اپنے بال کٹوانا چھوڑ دیں اور عالمی ریکارڈ بنانے کی کوشش کریں۔
زہاب کمال کے مطابق انھوں نے بال عطیہ کرنے سے پہلے گنیز ورلڈ ریکارڈ انتظامیہ سے گفتگو کی کیوں کہ اس سے قبل اتنی بڑی تعداد میں کسی فرد کی جانب سے بال عطیہ نہیں کیے گئے تھے۔
بعد ازاں زہاب کمال خان نے 6 فٹ 3 انچ بال جھڑنے سے متاثرہ بچوں کے لیے وگ بنانے والے فلاحی ادارے کو عطیہ کر دیئے۔زہاب کا کہنا تھا کہ وہ خود کو چھوٹے بالوں میں دیکھنے کے لیے پرجوش تھیں لیکن وہ اب ہمیشہ اپنے بالوں کو یاد کریں گی۔
یہ بھی پڑھیں: بھارت سمجھ رہا تھا کہ افغانستان میں ہمیں قربانی کا بکرا بنایا جائے گا ،شیخ رشید