چوہدری وجاہت حسین،بیٹے موسیٰ الٰہی پر مقدمہ درج

(24 نیوز)خاتون ایم این اے کو غائب کرنے کی مبینہ آڈیو سوشل میڈیا پر وائرل ہونے پر چوہدری شجاعت حسین کے بھائی وجاہت حسین اور ان کے بیٹے موسیٰ الٰہی پر مقدمہ درج کر لیا گیا۔

خاتون ایم این اے کو غائب کرنے کی مبینہ آڈیو سوشل میڈیا پر وائرل ہونے پر چوہدری شجاعت حسین کے بھائی وجاہت حسین اور ان کے بیٹے موسیٰ الٰہی پر مقدمہ درج کر لیا گیا. pic.twitter.com/atpL1Pkdhk

— 24 News HD (@24NewsHD) January 25, 2023

چند روز قبل وجاہت حسین کی اپنے بیٹے  کے ساتھ گفتگو کی مبینہ آڈیو سوشل آئی  تھی جس میں دونوں شہباز شریف کے خلاف عدم اعتماد کے معاملے پر ایک خاتون رکن اسمبلی کو غائب کرنے کی بات کر رہے تھے۔
پولیس کے مطابق ایک شہری کی جانب سے وجاہت حسین اور ان کے بیٹے موسیٰ الٰہی  کے خلاف تھانہ غالب مارکیٹ میں مقدمہ درج کرایا گیا ہے۔

پولیس کا کہنا ہے کہ مقدمے میں دہشتگردی اور ٹیلی گراف ایکٹ کی دفعات شامل کی گئی ہیں، سوشل میڈیا پر وائرل آڈیو میں خواتین ایم پی ایز کو غائب کرنے کی گفتگو کی گئیں۔

  
ایف آئی آر کے متن میں کہا گیا ہے آڈیو کے بعد موسیٰ الٰہی کوٹلہ ارب علی خان میں مسلح ہو کر لوگوں کو ڈراتا رہا، دونوں نے سوچی سمجھی سازش کے تحت ارکان اسمبلی کو غائب کرنے کا منصوبہ بنایا۔