لانگ مارچ مؤخر کئے جانے تک پی ٹی آئی سے مذاکرات نہیں ہوسکتے: رانا ثنااللہ

(24نیوز)وزیراعظم کے مشیر برائے سیاسی امور رانا ثنااللہ نے کہا ہےکہ  لانگ مارچ مؤخر کئے جانے تک پی ٹی آئی سے مذاکرات نہیں ہوسکتے۔

 رانا ثنااللہ نے  کہا کہ شہر میں کنٹینرکو حفاظتی اقدامات کے طور پر رکھا گیا ہے،  کنٹینرسڑک کنارے پڑے ہیں اور سڑکیں کھلی ہوئی ہیں،پی ٹی آئی قیادت سے بیک ڈور رابطے اب بھی ہیں، لانگ مارچ مؤخر کئے جانے تک ان سے مذاکرات نہیں ہوسکتے، لانگ مارچ سے متعلق صرف بیانات دیئے جارہے ہیں، عملی طورپرمارچ نہیں ہوگا۔

رانا ثنااللہ کا مزید  کہنا تھا کہ اسلام آباد میں کسی کو بھی چڑھ دوڑنے کی اجازت نہیں۔

یہ بھی پڑھیں: عدالتی حکم کی خلاف ورزی پر توہین عدالت کے پہلے ملزم سہیل آفریدی ہونگے :طلال چوہدری

علاوہ ازیں وزیراعظم کے مشیر رانا ثنا اللہ  نے کہا کہ اگر صوبائی حکومت نے وفاقی حکومت کا پولیس ایکٹ تبدیل کیا تو پارلیمنٹ اسے ختم کرسکتی ہے، یہ معاملہ آئینی عدالت میں بھی چیلنج ہوسکتا ہے۔