افغان لیگ سپنر راشد خان ون ڈے کرکٹ کے نمبر ون بولر بن گئے

(ویب ڈیسک)افغانستان کے لیگ سپنر راشد خان نے بنگلہ دیش کے خلاف سیریز میں شاندار کارکردگی دکھانے کے بعد ایک روزہ بین الاقوامی کرکٹ (ODI) میں دنیا کے نمبر ون بولر کا درجہ حاصل کر لیا ہے۔

ابوظہبی میں کھیلی گئی تین میچوں کی سیریز میں افغانستان نے بنگلہ دیش کو 3-0 سے شکست دی۔راشد خان نے ان میچوں میں 11 وکٹیں حاصل کیں، صرف 6.09 کی اوسط اور 2.73 کی اکانومی ریٹ کے ساتھ۔ وہ چھٹے نمبر سے اوپر آتے ہوئے 710 ریٹنگ پوائنٹس کے ساتھ سرفہرست ہیں، جبکہ جنوبی افریقہ کے کیشو مہاراج ان سے 30 پوائنٹس پیچھے ہیں۔

 راشد خان اس سے قبل نومبر 2024 میں بھی عالمی نمبر ون بولر رہ چکے ہیں۔

Rashid Khan is the new No. 1 ranked bowler in ODIs

He was previously top in November 2024. His 11 wickets against Bangladesh helped him rise from sixth and topple Keshav Maharaj. pic.twitter.com/kXWLR0ogj5

— ESPNcricinfo (@ESPNcricinfo) October 15, 2025

یہ بھی پڑھیں:کیا شیرافضل مروت ن لیگ میں شامل ہونے جا رہے ہیں؟ایکس پوسٹ نے ہلچل مچادی

بیٹنگ رینکنگ میں افغانستان کے ابراہیم زدران بھی نمایاں رہے، جنہوں نے بنگلہ دیش کے خلاف سیریز میں 213 رنز (تین اننگز میں 71 کی اوسط سے) بنا کر نمبر 2 پوزیشن حاصل کر لی، جو کسی بھی افغان بیٹر کی اب تک کی بہترین درجہ بندی ہے۔ وہ صرف 20 پوائنٹس شبھمن گل (نمبر 1) سے پیچھے اور 8 پوائنٹس روہت شرما (نمبر 3) سے آگے ہیں۔

آل راؤنڈرز کی رینکنگ میں عظمت اللہ عمرزئی نے زمبابوے کے سکندر رضا سے پہلا مقام دوبارہ چھین لیا۔ عمرزئی نے سیریز میں 7 وکٹیں حاصل کیں اور 60 رنز بھی بنائے۔ وہ فروری سے اگست 2025 کے درمیان بھی نمبر ون رہے تھے۔

 ادھر بھارت کے سپنر کلدیپ یادو نے ٹیسٹ بولرز کی رینکنگ میں اپنے کیریئر کی بہترین 14ویں پوزیشن حاصل کی ہے۔

انہوں نے ویسٹ انڈیز کے خلاف دو میچوں کی سیریز میں 12 وکٹیں 19.50 کی اوسط سے حاصل کیں۔ بھارتی اوپنر یَشسوی جیسوال بھی پہلی اننگز میں 175 رنز بنانے کے بعد ساتویں سے پانچویں نمبر پر آگئے ہیں۔

یہ بھی پڑھیں:فیاض الحسن چوہان نے قوم سے معافی مانگ لی