یوم شہدا پر کشمیریوں کے ساتھ کھڑے ہیں, حق خودارادیت ملنے تک کوئی سمجھوتہ نہیں کرینگے:عمران خان

(24 نیوز)وزیر اعظم عمران خان نے کہا ہے کہ یوم شہدا پر کشمیریوں کے ساتھ کھڑے ہیں ،کشمیریوں کو حق خودارادیت ملنے تک کوئی سمجھوتہ نہیں کریں گے۔

تفصیلات کے مطابق وزیر اعظم ویب سائٹ ٹویٹر پر  اپنے ایک پیغام میں لکھا ہے کہ 13 جولائی 1931 کے22 شہدا کو خراج عقیدت پیش کرتے ہیں جب ڈوگرا مہاراجہ کے فوجیوں نے پرامن کشمیری مظاہرین پر فائرنگ کی تھی۔انہوں نے کہا کہ کشمیریوں پر ظلم و بربریت اور غیرقانونی بھارتی قبضے کے خلاف نئی جدوجہد سامنے آئی ہے۔ مقبوضہ کشمیر میں بھارتی قبضے، ظلم اور انسانی حقوق کی خلاف ورزیوں کی ایک تاریخ ہے۔

This indomitable spirit of resistance remains alive as Kashmiri men & women continue to fight illegal Indian Occupation Pakistan stands with the Kashmiris in their just struggle & will not compromise till they get their right to self determination guaranteed by UNSC resolutions.

— Imran Khan (@ImranKhanPTI) July 13, 2021

وزیر اعظم عمران خان نے کہا کہ پاکستان کشمیریوں کے ساتھ انکی منصفانہ جدوجہد میں کھڑا ہے اور جدوجہد اس وقت تک جاری رہے گی جب تک اقوام متحدہ کی قراردادوں کے مطابق مسئلہ کشمیر حل نہیں ہوتا۔کشمیری مرد اور خواتین بھارت کےغیر قانونی قبضے کے خلاف جدوجہد جاری رکھے ہوئے ہیں۔

یہ بھی پڑھیں:وزیراعظم کی زیرصدارت وفاقی کابینہ کا اجلاس آج،22 نکاتی ایجنڈے پر غور ہوگا