تھانہ گومل پر دہشتگردوں کا حملہ ناکام

(ویب ڈیسک) خیبر پختونخواء کے ضلع ٹانک میں تھانہ گومل بازار پر دہشت گردوں نے رات گئے بھاری اسلحے سے حملہ کیا جس پر پولیس کی جوابی کارروائی میں حملہ آور فرار ہوگئے۔

پولیس ذرائع کے مطابق 15 منٹ تک فائرنگ کا تبادلہ ہوا، خوش قسمتی سے کسی قسم کا جانی و مالی نقصان نہیں ہوا، پولیس نے علاقہ کو گھیرے میں لے کر سرچ آپریشن شروع کردیا۔

یہ بھی پڑھیے: کراچی، مشکوک پولیس مقابلے میں 1 ڈاکو زخمی

ادھر بنوں میں سی ٹی ڈی نے کارروائی کرتے ہوئے تین دہشت گردوں کو گرفتار کرلیا۔

سی ٹی ڈی کا کہنا ہے کہ دہشت گردوں کا تعلق کالعدم ٹی ٹی پی سے ہے، ملزمان لکی مروت، ڈی آئی خان اور بنوں میں حملوں میں ملوث تھے۔