وزیرآباد :منی پٹرول پمپ پر ٹینکی پھٹنے سے 16 افراد جھلس گئے، 5 کی حالت نازک 

(نیرعالم)وزیرآباد کے علاقے نوئیں والا میں منی پٹرول پمپ پر پٹرول کی ٹینکی پھٹنے سے 16 افراد جھلس گئے ۔ جن میں سے 5 کی حالت نازک بتائی گئی ہے۔ 

تفصیلات کے مطابق واقعہ تھانہ علی پور چٹھہ کی حدود میں پیش آیا، جہاں ٹینکی پھٹنے سے آگ بھڑک اٹھی، جس کی شدت سے ہر طرف دھویں کے بادل دکھائی دینے لگے ۔ حادثے میں موقع پر موجود 16 افراد جھلس گئے۔اطلاع ملتے ہی ریسکیو 1122جائے وقوع پر پہنچی، اور آگ پر قابو پا لیا۔ریسکیو 1122کا کہنا ہے کہ زخمیوں کو علی پور چٹھہ اور گوجرانولہ کے ہسپتالوں میں منتقل کیا گیا، جن میں سے 5 کی حالت نازک بتائی گئی ہے۔ 

واضح رہے کہ منی پیٹرول پمپ پر دو سو لیٹر تک پلاسٹک کی ٹینکی میں پیٹرول زخیرہ ہوتا ہے، با اثر منی پیٹرول پمپ مالکان انتظامیہ کی طرف سے متعدد بار چلان کروانے کے باوجود باز نہیں آتے۔
یہ بھی پڑھیں:پاکستان کرکٹ بورڈ  کا قومی سلیکشن کمیٹی کو برقرار رکھنے کا فیصلہ،ڈیٹا اینالسٹ تبدیل