بالی ووڈ اداکارہ’’ کنگنا رناوت ‘‘بھی کورونا وائرس میں مبتلا
Stay tuned with 24 News HD Android App
(24نیوز) بالی ووڈ کی معروف اداکارہ کنگنا رناوت بھی کورونا وائرس میں مبتلا ہوگئیں۔بھارتی حکومت کے خلاف متنازع بیانات کے باعث کچھ روز قبل اداکارہ کا ٹوئٹر اکاؤنٹ معطل کیا گیا تھا جس کے بعد وہ انسٹاگرام پر کافی سرگرم دکھائی دے رہی تھیں۔
کنگنا رناوت نے انسٹاگرام پر اپنی یوگا کرتے ہوئے تصویر شیئر کی اور مداحوں کو بتایا کہ ان کا کووڈ ٹیسٹ مثبت آچکا ہے۔اداکارہ نے طویل کیپشن میں لکھا کہ کچھ روز سے میں تھکاوٹ اور آنکھوں میں جلن محسوس کر رہی تھی، گزشتہ روز میں نے کووڈ کا ٹیسٹ کروایا جس کی رپورٹ آج آئی ہے۔
View this post on Instagram
کنگنا نے بتایا کہ میں نے خود کو قرنطینہ کر لیا ہے، مجھے اس بات کا بالکل اندازہ نہیں تھا کہ یہ وائرس جسم میں موجود ہے۔اداکارہ نے مضبوظ لہجے میں کہا کہ اب مجھے اس بات کا علم ہے کہ مجھے یہ بیماری ہو چکی ہے، اسی لیے میں اسے ہرا دوں گی، برائے مہربانی کسی کو بھی خود پر طاقت نہ آزمانے دیں، جس چیز سے آپ جتنا ڈریں گے یہ آپ پر اتنی حاوی ہوگی۔کنگنا نے پر امید ہوتے ہوئے کہا کہ آئیں مل کر اس وبا کو شکست دیتے ہیں، یہ کچھ بھی نہیں ہے سوائے عام سے فلو کے۔
یہ بھی پڑھیں: مشہور بالی ووڈ ڈانسر ’’نورا فتحی‘‘ کی لباس بدلنے کی ویڈیو وائرل