بیرون ملک بھیجنے کیلئے 83 لاکھ روپے لینے والا ہیومن سمگلر گرفتار

حیدرآباد میں ایف آئی اے کرائم سرکل  نے  سپر ہائی وے پر کاروائی کر کے ایک ہیومن سمگلر کو گرفتار کر لیا۔

ایف آئی اے کرائم سرکل کے سب انسپیکٹر وقار احمد کی ٹیم نے  ایک شہری سے  83 لاکھ روپے بیرون ملک بھیجنے کے عوض وصول کرنے والے ہیومن سمگلی کو سپر ہائی وے پر گرفتار کر لیا۔

اس ہیومن سمگلر نے  ایک شہری کو بیرون ملک بھجوانے کے لئے ایک کروڑ تیس لاکھ  روپے طلب کیے تھے۔ بیرون ملک جانے کے خواہشمند شخص نے اس ہیومن سمگلر کو   83 لاکھ  روپے ادا کئے۔ 

 ایف آئی اے کرائم سرکل نے مقدمہ درج کر کے آج ملزم کو گرفتار کر لیا۔ اب  ایف آئی اے نے  مزید تحقیقات شروع کردی ہے۔