وزیراعلیٰ کی تشکیل کردہ ڈسٹرکٹ کوآرڈی نیشن کمیٹی کو نظر اندازکرنیکا انکشاف

(راؤ دلشاد) لیگی ارکان اسمبلی کی جانب سے وزیراعلیٰ مریم نواز کی تشکیل کردہ ڈسٹرکٹ کوآرڈی نیشن کمیٹی کو نظرانداز کرنے کا انکشاف ہو گیا۔

وزیراعلیٰ پنجاب کی تشکیل دی گئی ڈسٹرکٹ کوآرڈی نیشن کمیٹی لاہورغیرفعال ہو گئی، ارکان اسمبلی کی دھڑا بندی سے ڈسٹرکٹ کوآرڈی نیشن کمیٹی مقاصدحاصل کرنےمیں ناکام ہو گئی، ڈسٹرکٹ کوآرڈی نیشن کمیٹی کے 3 اجلاسوں کے فیصلوں سے تاحال شرکت کرنیوالےبھی لاعلم ہیں، ڈسٹرکٹ کوآرڈی نیشن کمیٹی کی تاحال 3 میٹنگز ہوئیں۔

یہ بھی پڑھیں: رانا مشہود کیخلاف پنجاب اسمبلی میں ہنگامہ آرائی کا کیس، لاہور ہائیکورٹ سے اہم خبر آ گئی

ڈسٹرکٹ کوآرڈی نیشن کمیٹی کےایک اجلاس میں بھی ارکان قومی وصوبائی اسمبلی کی حاضری مکمل نہیں رہی، لاہور کے ارکان قومی اسمبلی کی اکثریت ڈسٹرکٹ کوآرڈی نیشن کمیٹی کی میٹنگزکو خاطر میں ہی نہیں لائی، لاہورکےبعض ارکان صوبائی اسمبلی نےبھی ڈسٹرکٹ کوآرڈی نیشن کمیٹی کی میٹنگز سے اجتناب کیا۔

واضح رہے کہ وزیر اعلیٰ نے رانا مبشر اقبال کی کنوینئرشپ میں 35 رکنی ڈسٹرکٹ کوآرڈی نیشن کمیٹی تشکیل دی تھی جس میں ڈی سی لاہور رافعہ حیدر کو کمیٹی کی سیکرٹری مقرر کیا گیا تھا۔