محفوظ بسنت؛آئی جی پنجاب اور سی سی پی او لاہور سےرپورٹ طلب

(ملک اشرف )لاہور ہائیکورٹ نے  آئی جی پنجاب اور سی سی پی او لاہور سے محفوظ بسنت کے لئے کئے گئے اقدامات کی رپورٹ طلب کرلی۔
پنجاب حکومت کی جانب سے پتنگ بازی کی مشروط اجازت دینے کے معاملے پرلاہور ہائیکورٹ میں کائیٹ فلائنگ ارڈننس 2025 کے خلاف درخواست پر سماعت ہوئی،ایڈیشنل سیکرٹری جوڈیشل عبدالرؤف  اوراسسٹنٹ کمشنر سٹی رائے بابر علی سمیت دیگر افسران عدالت میں پیش ہوئے۔
جسٹس ملک محمد اویس خالد نے جوڈیشل ایکٹوازم پینل کی درخواست پر سماعت کی،درخواست گزار کی جانب سے اظہر صدیق ایڈووکیٹ پیش ہوئے،درخواست گزار کی جانب سےکائٹ فلائنگ آرڈیننس 2025 کو چیلنج کیا گیا ہے۔
پنجاب حکومت کے وکیل کی جانب سے درخواست کے قابل سماعت ہونے پر اعتراض کیاگیا،وکیل درخواست گزار نے کہاکہ کائٹ فلائنگ آرڈیننس اب ایکٹ بن چکا ہے درخواست قابل سماعت نہیں،اظہر صدیق ایڈوکیٹ نے کہا ابھی بسنت شروع نہیں ہوئی اور تین ہلاکتیں ہو چکی ہیں۔

یہ بھی پڑھیں:سٹاک مارکیٹ؛ 100 انڈیکس ایک لاکھ 81ہزار پوائنٹس کی بلندترین سطح پر پہنچ گیا
  جسٹس ملک اویس خالد نے کہاکہ بسنت کے موقع پر شہریوں کی سیکیورٹی کے لئے کیا اقدامات کئے گئے ہیں ؟عدالت میں موجود افسران نے بتایاپنجاب حکومت نے بسنت کے موقع پر سیکیورٹی کے لئے خصوصی اقدامات کی ہدایات جاری کررکھی ہیں ۔
عدالت نے آئی جی اور سی سی پی او سے جواب طلب کرتے ہوئے مزید سماعت 16 جنوری تک ملتوی کر دی۔