بچے کوبدفعلی کے بعد کرنٹ لگا کر قتل کرنیوالے ملزم کو بڑی سزا کا حکم
Stay tuned with 24 News HD Android App
(24 نیوز) اڑھائی سالہ بچے کے ساتھ بدفعلی کرنے کے بعد کرنٹ لگا کر قتل کرنے کے کیس کا فیصلہ جاری، عدالت نے درندہ صفت ملزم ندیم اسلم کو سزائے موت کی سزا کا حکم سنا دیا۔
تفصیلات کے مطابق ملزم کو مختلف دفعات کے تحت ساڑھے چار لاکھ روپے جرمانہ کی سزا کا حکم بھی جاری کیا گیا ہے۔ مقدمہ مدعی کی جانب سے وکیل مدثر بلوچ نے دلائل مکمل کیے جبکہ ایڈیشنل سیشن جج شبریز اختر راجہ نے کیس پر فیصلہ سنایا۔
ملزم کو اغوا کی دفعہ کے تحت سات سال قید اور پچاس ہزار روپے جرمانہ کی سزا سنائی، ملزم کو بدفعلی کی دفعہ کے تحت عمر قید کی سزا اور پچاس ہزار روپے جرمانہ کا حکم دیا گیا ہے۔
یہ بھی پڑھیں: بارشیں شروع۔۔برف باری بھی ہو گی۔۔موسم کے حوالے سے اہم خبر
عدالت نے قتل کی دفعہ کے تحت ملزم کو سزائے موت اور تین لاکھ روپے جرمانہ کی سزا سنائی۔ ملزم ندیم اسلم کو جیل سے لا کر عدالت پیش کیا گیا۔
عدالتی فیصلہ سننے کے بعد ملزم کمرہ عدالت میں رو رو کر رحم کی اپیل کرتا رہا جبکہ ملزم کے خلاف تھانہ ہنجروال میں مقدمہ درج ہے۔
یہ بھی پڑھیں: حافظ سعد حسین رضوی کا نکاح آج ہو گا