آن لائن خریداری میں دھوکا ! بچنے کے آسان طریقے جانیے

(24نیوز)آج کے جدید اور ڈیجیٹل دور میں آن لائن خریداری بہت عام ہے، تاہم اس کے ساتھ دھوکا دہی کے واقعات بھی بڑھتے جا رہے ہیں۔

سائبر سیکیورٹی ماہرین کا کہنا ہے کہ صارفین اگر چند بنیادی باتوں کا خیال رکھیں تو وہ زیادہ تر آن لائن فراڈ سے باآسانی بچ سکتے ہیں،خصوصاً پاکستان جیسے ممالک میں جہاں آن لائن مارکیٹ تیزی سے بڑھ رہی ہے، وہاں احتیاط مزید ضروری ہو جاتی ہے۔

سب سے پہلے صارفین کو ہمیشہ معتبر اور معروف ویب سائٹس کا انتخاب کرنا چاہیے،مشہور برانڈز کی ویب سائٹس یا مستند پلیٹ فارمز سے خریداری کا خطرہ بہت کم ہوتا ہے۔

کسی بھی نئے اسٹور سے خریداری سے پہلے اس کی ریٹنگ، ریویوز اور صارفین کے تجربات ضرور دیکھنے چا ہئیں،  جعلی ویب سائٹس عموماً انتہائی کم قیمتوں یا غیر معمولی آفرز کے ذریعے صارفین کو اپنی طرف مائل کرتی ہیں، اس لیے ایسی ڈیلز پر فوراً بھروسا کرنا نقصان دہ ثابت ہو سکتا ہے۔

یہ بھی پڑھیں:پلوامہ حملہ بی جے پی کی سازش تھا؟ بھارتی رہنما کے چونکا دینے والے انکشافات

اسی طرح ادائیگی کرتے وقت بھی احتیاط ضروری ہے،ماہرین مشورہ دیتے ہیں کہ آن لائن خریداری ہمیشہ محفوظ پیمنٹ گیٹ ویز کے ذریعے کی جائے اور غیر معروف بینک ٹرانسفرز یا براہِ راست اکاؤنٹ نمبر بھیجنے سے بچا جائے۔