کھلاڑیوں نے ٹیم ورک کا بہترین مظاہرہ کرکے تینوں میچ جیتے: محسن نقوی
Stay tuned with 24 News HD Android App
(24نیوز)آسٹریلیا کے خلاف ٹی ٹوئنٹی سیریز میں پاکستان کرکٹ ٹیم کے کلین سوئپ پر پاکستان کرکٹ بورڈ کے چئیرمین محسن نقوی کی جانب سے قومی کرکٹ ٹیم کو مبارکباد پیش کی گئی ہے۔
محسن نقوی نے کہا کہ کھلاڑیوں نے ٹیم ورک کا بہترین مظاہرہ کرکے تینوں میچ جیتے، یہ کامیابی کھلاڑیوں کی انتھک محنت اور جہد مسلسل کا نتیجہ ہے۔
انہوں نے کہا کہ ہیڈ کوچ مائیک ہیسن، کپتان سلمان آغا سمیت تمام کھلاڑیوں کو دل کی اتھاہ گہرائیوں سے مبارکباد دیتا ہوں، آسٹریلیا جیسی مضبوط ٹیم کو مسلسل 3 میچوں میں شکست دینا قابل تحسین کارنامہ ہے۔
انہوں نے کہا کہ پوری سیریز میں قومی کھلاڑیوں نے زبردست کارکردگی کا مظاہرہ کیا،شائقین کرکٹ بجا طور پر قومی ٹیم کے کھلاڑیوں سے ایسی ہی شاندار کارکردگی کی توقع رکھتے ہیں۔
محسن نقوی نے مزیدکہا کہ امید ہے کہ قومی کرکٹ ٹیم فتوحات کا تسلسل آئندہ بھی برقرار رکھے گی۔
یہ بھی پڑھیں : بابر اعظم نے ٹی ٹوئٹنٹی انٹرنیشنل میں کوہلی کا ریکارڈ توڑ دیا