وزیر ریلوے کی زیر صدارت اہم اجلاس، ترقیاتی منصوبوں پر جامع غور و خوض
Stay tuned with 24 News HD Android App
(24 نیوز)وزیر ریلوے محمد حنیف عباسی کی زیر صدارت اہم اجلاس کے دوران پاکستان ریلویز کے ترقیاتی منصوبوں پر جامع غور و خوض کیا گیا، سہولیات کی بہتری اور معیار بلند کرنے کی ہدایت کی گئی۔
وزیر ریلوے نے کارکردگی میں اضافے کے لیے بھرپور اقدامات کی منظوری دی، تمام ڈویژنل سپرنٹنڈنٹس کی آن لائن شرکت اور ترقیاتی کاموں کی رپورٹس پیش کی گئیں جبکہ ترقیاتی کاموں کی رپورٹنگ اور اہداف کا واضح تعین کیا گیا۔
اجلاس کے دوران جلد از جلد تمام ترقیاتی کام مکمل کرنے کی ہدایت کی گئی ،اس موقع پر وزیر ریلوے محمد حنیف نے کہا کہ عوام کو بہترین اور موثر خدمات فراہم کرنا پاکستان ریلوے کا عزم ہے۔
انھوں نے کہا کہ ریلوے نظام کو جدید ٹیکنالوجی سے اپ گریڈ کرنے کی منصوبہ بندی کر رہے ہیں،ملازمین کی کارکردگی بہتر بنانے اور نئے منصوبوں کی منظوری دی ہے۔
وزیر ریلوے کے مطابق ریلوے کالونیوں میں صفائی اور ماحول کی بہتری پر خاص توجہ دی گئی ہے،ریلوے کے مسائل کا فوری حل اور مستقبل کے لیے ٹھوس حکمت عملی بنائی جائے گی۔
حنیف عباسی نے کہا کہ پاکستان ریلویز کو نئی بلندیوں پر لے جانے کے لیے یکجہتی اور تعاون ضروری ہے، مثبت تبدیلیوں کا آغاز کر دیا گیا ہے۔
یہ بھی پڑھیں :چمن میں فائرنگ سے جے یو آئی رہنماء حافظ گل زخمی ہوگئے