’مجھے لگا وقت پورا ہوگیا‘ رشبھ پنت کی پہلی بار کار ایکسیڈینٹ پر گفتگو 

(ویب ڈیسک) بھارتی کرکٹر رشبھ پنت نے اپنے خوفناک کار حادثے کی کہانی سناتے ہوئے کہا کہ مجھے لگا وقت پورا ہوگیا۔

بھارتی میڈیا کے مطابق کرکٹر رشبھ پنت دسمبر 2022ء میں بدترین کار حادثے کا شکار ہوئے تھے اور اس حوالے سے انہوں نے حال ہی میں پہلی بار لب کشائی کی۔

حالیہ انٹرویو میں کرکٹر نے بتایا کہ گاڑی کو حادثہ ریاست اتراکھنڈ میں پیش آیا تھا جس میں انہیں ٹانگ اور گھٹنے پر شدید چوٹیں آئی تھیں جبکہ ان کا ماتھا بھی دو جگہ سے پھٹ گیا تھا۔

یہ بھی پڑھیے: ’جہاں کھڑا ہوں مطمئن نہیں ‘ بابر اعظم نے ناقدین کو کرارا جواب دے دیا

رشبھ پنت نے کہا کہ حادثے کے وقت مجھے لگا کہ دنیا میں میرا وقت پورا ہوگیا ہے اور مجھے اپنے زخموں کے بارے میں پتا تھا لیکن خوش قسمتی بیچ میں آگئی اور میں شدید زخمی ہونے کے باوجود بھی بچ گیا۔

انہوں نے مزید بتایا کہ کسی نے مجھے بچایا اور فوری ہسپتال منتقل کیا، بعد میں ڈاکٹر سے پوچھنے پر بتایا گیا کہ مجھے صحت یاب ہونے میں 17 سے 18 مہینے لگیں گے اور مجھے مکمل تندرست ہونے کیلئے بہت محنت کرنی پڑے گی۔