نگران وفاقی کابینہ نے سائفر کیس کا ٹرائل اڈیالہ جیل میں کرنے کی منظوری دیدی
Stay tuned with 24 News HD Android App
(ویب ڈیسک)نگران وفاقی کابینہ نے سائفر کیس کا ٹرائل اڈیالہ جیل میں کرنے کی منظوری دیدی۔
ذرائع کے مطابق وزارت قانون و انصاف کی سمری پر کابینہ ارکان سے سرکولیشن کے ذریعے منظوری لی گئی،سابق وزیراعظم عمران خان اور سابق وزیر خارجہ شاہ محمود سمیت دیگر افراد کے خلاف آفیشل سیکریٹ ایکٹ کے تحت اڈیالہ جیل میں ہی ٹرائل ہو گا۔
ذرائع کا کہنا ہے کہ خصوصی عدالت کے جج ابو الحسنات ذو القرنین کے فیصلے کی روشنی میں وفاقی کابینہ سے سائفر کیس کا ٹرائل اڈیالہ جیل میں کرنے کی منظوری لی گئی، وفاقی کابینہ کو اسلام آباد ہائیکورٹ کے جیل ٹرائل کالعدم قرار دینےکے فیصلے سے بھی آگاہ کیا گیا، وفاقی حکومت نے سائفر اور 190 ملین پاونڈ کیس کیلئےعدالتوں کےقیام کےقانونی تقاضے پورے کر لئے ہیں۔
یہ بھی پڑھیں: نوازشریف کیخلاف توشہ خانہ کیس،احتساب عدالت سے بڑی خبر آ گئی
خیال رہے کہ گزشتہ روز وفاقی کابینہ نے عمران خان اور بشریٰ بی بی کے خلاف 190 ملین پاؤنڈ القادر ٹرسٹ کیس کا ٹرائل بھی جیل میں کرنے کی منظوری دی تھی۔