ثبوت دو، ورنہ زبان بند کرو، الزام تراشی قبول نہیں کرینگے؛مریم اورنگزیب کا عمران کے ٹوئٹ پر ردعمل

(24 نیوز)وفاقی وزیرا طلاعات و نشریات مریم اورنگزیب نے عمران خان کے ٹوئٹ پر کہاہے کہ پروپیگنڈا نہ کرو، ثبوت دو، ورنہ زبان بند کرو، یہ بڑا سنگین الزام ہے جسے ہم کسی صورت برداشت کر سکتے ہیں نہ کریں گے، یہ پی ٹی آئی کا بلیک میلنگ اور بے حسی کا دور نہیں۔ 
سماجی رابطے کی ویب سائٹ ٹوئٹر پر مریم اورنگزیب نے اپنے ٹوئٹ میں کہاکہ "مرد روبوٹ نہیں ہوتے" کہنے والا اور لباس کی وجہ سے خواتین اور کم سن بچیوں پر حملوں کی وکالت کرنے والا سندیافتہ جھوٹا 9 مئی کے سانحے پر عوامی ردعمل پر مظلوم بننے کا نیا جھوٹ گھڑ رہا ہے۔
وفاقی وزیر اطلاعات کاکہناتھا کہ یہ وہی شخص ہے جس نے انصاف کی متلاشی طیبہ گل کو اغوا کیا،وزیراعظم ہاو¿س میں حبس بے جا میں رکھا، اس کے دیئے ثبوت پر چیئرمین نیب کو بلیک میل کرکے سیاسی مخالفین کو سزائے موت کی چکیوں میں رکھا۔

"مرد روبوٹ نہیں ہوتے" کہنے والا اور لباس کی وجہ سے خواتین اور کم سن بچیوں پر حملوں کی وکالت کرنے والا سندیافتہ جھوٹا 9 مئی کے سانحے پر عوامی ردعمل پر مظلوم بننے کا نیا جھوٹ گھڑ رہا ہے۔یہ وہی شخص ہے جس نے انصاف کی متلاشی طیبہ گل کو اغوا کیا، وزیراعظم ہاؤس میں حبس بے جا میں رکھا،…

— Marriyum Aurangzeb (@Marriyum_A) May 29, 2023

ان کاکہناتھا کہ خواتین صحافیوں کے ساتھ بدتمیزی اور بدسلوکی کی انتہا کی، ان کے بارے میں کہاکہ انہیں "مردوں میں گھسنے کا شوق ہے۔" 
مریم اورنگزیب کامزید کہناتھا کہ اوورسیز پاکستانیوں اور دنیا کو گمراہ کرنے کا یہ اوچھا ہتھکنڈہ بھی سائفر اور دیگر ڈراموں کی طرح فلاپ ہوگا، ان کاکہناتھا کہ پروپیگنڈا نہ کرو، ثبوت دو، ورنہ زبان بند کرو، یہ بڑا سنگین الزام ہے جسے ہم کسی صورت برداشت کر سکتے ہیں نہ کریں گے، یہ پی ٹی آئی کا بلیک میلنگ اور بے حسی کا دور نہیں۔ 
وفاقی وزیر نے کہاکہ ٹھوس ثبوت کے بغیر ایسا سنگین الزام صرف آپ جیسا 'میڈیا پریڈیٹر' ہی لگا سکتا ہے جو ہر روز جھوٹ بولتا اور جعلی وڈیوز اور فوٹوز جاری کرتا پکڑا جاتا ہے۔

جھوٹے یہ تصویر ایک سال پرانی نوشہرہ میں آئل ڈیپو میں آگ لگنے کی ہے. 19 سال سے لوگوں کو جھوٹی جعلی تصویروں اور مصنوعی بیانیے سے ذہن سازی کر کے بیوقوف بنا بنا کر ملک دشمنی دہشت گردی اور شہدا اور غازیوں کی بے حرمتی سکھائی۔ کہا ہے اب بس آرام سے دو جھنڈوں کے درمیان بیٹھ کر رات کو… pic.twitter.com/LWCE0BAz4V

— Marriyum Aurangzeb (@Marriyum_A) May 29, 2023

یہ بھی پڑھیں: سونے کی قیمتیں گر گئیں،ڈالر کی اونچی اڑان، بلند ترین سطح پرپہنچ گیا