بھارت میں روسی بزنس ٹائیکون کی پراسرار موت

(ویب ڈیسک) روسی  قانون دان اور سوسیج انڈسٹری ٹائیکون بھارت میں ہوٹل کی چھت سے گرکر ہلاک ہوگئے۔

بین الاقوامی خبر رساں ادارے کے مطابق پولیس کا بتانا ہےکہ قانون دان اور بزنس ٹائیکون پاول انتوف ہوٹل کی تیسری منزل سے گر ہلاک ہوئے اور وہ ہوٹل کے باہر مردہ حالت میں پائے گئے جبکہ دو روز قبل ان کے ساتھ آنے والے روسی دوست بھی ہوٹل میں پرسرار طور پر مردہ پائے گئے تھے جن کے قبضے سے شراب کی بوتلیں بھی برآمد ہوئیں۔

Russian sausage tycoon Pavel Antov dies in Indian hotel fall https://t.co/2NnscdmA45

— BBC News (World) (@BBCWorld) December 27, 2022

میڈیا رپورٹس کے مطابق پولیس نے اس واقعے کے بعد روسی باشندوں کی موت کی وجوہات معلوم کرنے کیلئے تحقیقات کا آغاز کردیا ہے۔

یہ بھی پڑھیے: بھارتی وزیراعظم مودی کے بھائی کار حادثے میں زخمی، ہسپتال منتقل

پولیس کے مطابق دوست کی موت کے بعد پاول ذہنی دباؤ شکار تھے جسکی وجہ سے ان موت واقع ہوئی جبکہ بھارتی میڈیا کی جانب سے پاول کی موت کو خودکشی قرار دیا جارہا ہے۔

میڈیا رپورٹس کے مطابق دہلی میں قائم روسی سفارتخانے کی جانب سے دونوں شہریوں کی موت کی تصدیق کی گئی ہے جبکہ کولکتہ میں روسی قونصل جنرل نے کہا ہے کہ وہ انتظامیہ سے رابطے میں ہیں اور پولیس کو دستیاب معلومات کے مطابق کوئی مجرمانہ پہلو نظر نہیں آرہا ہے۔