بھارتی بیٹر کی ڈومیسٹک میچ میں دھواں دار بیٹنگ، 31 گیندوں پر سنچری بنا ڈالی

(ویب ڈیسک)بھارت کے ڈومیسٹک ٹورنامنٹ سید مشتاق علی ٹرافی میں گجرات کے بیٹر نے دھواں دار بیٹنگ کرتے ہوئے 31 گیندوں پر برق رفتار سنچری بناڈالی۔

بدھ کو   سید مشتاق علی ٹرافی میں گجرات اور سروسز کی ٹیمیں مدمقابل تھیں۔ جہاں سروسز نے پہلے بیٹنگ کرتے ہوئے مقررہ20 اوورز میں 9 وکٹوں کے نقصان پر 182 رنز بنائے۔

ہدف کے تعاقب میں گجرات کے کپتان اُرول پٹیل نے  دھواں دار بیٹنگ کی اور مخالف ٹیم کے بولرز کا بھرکس نکال دیا۔

پٹیل نے 31 گیندوں پر سنچری سکور کی جبکہ 37 گیندوں پر 119 رنز کی ناقابل شکست اننگز کھیلی۔پٹیل کی اس اننگز میں 12 چوکے اور 10 چھکے شامل تھے۔

گجرات نے 183 رنز کا ہدف با آسانی 13 ویں اوور میں2 وکٹوں کے نقصان پر حاصل کرلیا۔

پٹیل کی 31 گیندوں پر سنچری کسی بھی بھارتی بیٹر کی جانب سے ٹی ٹوئنٹی کرکٹ میں دوسری تیز ترین سنچری ہے۔

A century off just 3⃣1⃣ deliveries
The second-fastest by an Indian player in T20 cricket ????

WATCH snippets of Urvil Patel's magnificent 119*(37) for Gujarat against Services on Day 1 of #SMAT 2025-26@IDFCFIRSTBank pic.twitter.com/frJpZy9oiq

— BCCI Domestic (@BCCIdomestic) November 26, 2025

 اس سے قبل پٹیل نے ہی سید مشتاق علی ٹرافی کے گزشتہ سیزن میں 28 گیندوں پر سنچری اسکور کی تھی۔ جوکہ ابھیشیک شرما کے ساتھ مشترکہ طور پر بھارتی بیٹر کی تیز ترین ٹی ٹوئنٹی سنچری ہے۔