اڈیالہ جیل کے قریب احتجاج نہ کریں، عمران خان کے بیٹے کی اپیل

( ویب ڈیسک)سابق وزیراعظم اور بانی پاکستان تحریک انصاف (پی ٹی آئی) عمران خان کے صاحبزادے قاسم خان نے پاکستانی عوام سے اپیل کی ہے کہ وہ اڈیالہ جیل کے قریب مارچ یا احتجاج کرنے کی کوشش نہ کریں۔

پی ٹی آئی نے عمران خان کی رہائی اور دیگر مطالبات کے حق میں 27 ستمبر کو اسلام آباد لانگ مارچ کا اعلان کر رکھا ہے۔ اس حوالے سے پنجاب بھر میں دفعہ 144 کا نفاذ کردیا گیا ہے جبکہ اسلام آباد سمیت پنجاب کے کئی شہروں میں رینجرز کو بھی طلب کرلیا گیا ہے۔ دوسری جانب عمران خان کی تینوں بہنوں سمیت پی ٹی آئی کے کئی رہنماؤں اور کارکنوں کو زیر حراست لیا جاچکا ہے۔

 قاسم خان نے ایکس پر اپنی پوسٹ میں عوام سے اپیل کرتے ہوئے دعویٰ کیا ہے کہ ” مجھے اپنے ذرائع سے اطلاعات ملی ہیں کہ ایسے کسی اجتماع کو اڈیالہ جیل پر کسی ‘جوابی کارروائی’ کے لیے جواز کے طور پر استعمال کیا جا سکتا ہے، جہاں میرے والد زیرِ حراست ہیں۔ ایسی کسی بھی صورتِ حال میں ان کی زندگی کو شدید خطرہ لاحق ہو سکتا ہے۔

I’ve been instructed to call on the public not to attempt to march or protest nearby Adiala jail on 27 March. I’ve heard from sources that this may be used as an excuse for the establishment to launch a “counter” assault on the jail (Which my father is being held in), which could endanger his life. Please do not give them any reasons for “accidents” to happen to my father during the protest.

— Kasim Khan (@Kasim_Khan_1999) September 24, 2026

انہوں نے اپنی پوسٹ میں کہا کہ اس لیے میں سب سے اپیل کرتا ہوں کہ احتیاط اور تحمل کا مظاہرہ کریں اور کسی کو بھی ایسا کوئی جواز یا موقع نہ دیں جس کے نتیجے میں کوئی ایسا واقعہ پیش آئے جو میرے والد کی جان کے لیے خطرہ بن جائے۔

عمران خان کے صاحبزادے اس سے قبل مختلف بین الاقوامی میڈیا اداروں کو انٹرویو میں اپنے والد کی صحت سے متعلق خدشات اور تحفظات کا اظہار کرچکے ہیں جبکہ دوسری جانب حکومت کا موقف ہے کہ سابق وزیراعظم کو علاج کی مکمل سہولیات میسر ہیں اور ان کا باقاعدہ چیک اپ کروایا جاتا ہے۔