شکارپور، کچے کے علاقے میں آپریشن، ڈاکوؤں کے حملے میں 3 پولیس اہلکار شہید
Stay tuned with 24 News HD Android App
(24 نیوز)شکارپور میں کچے کے علاقے گڑھی تیغو میں آپریشن کے دوران ڈاکوؤں کے حملے میں 3 پولیس اہلکار شہید ہوگئے۔
پولیس کے مطابق 6 مغویوں کی بازیابی کیلئے تیغو گڑھی میں آپریشن کے دوران ڈاکوؤں نے پولیس کی بکتر بند گاڑی پر راکٹ حملہ کیا جس کے نتیجے میں 3 پولیس اہلکار شہید ہوگئے۔
پولیس نے بتایا کہ ڈاکوؤں کے حملے میں 2 ایس ایچ اوز سمیت 6 پولیس اہلکار زخمی ہوئے جن میں سے 4 کو سول ہسپتال منتقل کردیا گیا۔پولیس کے مطابق شہید اہلکاروں کی شناخت منور جتوئی، سعید مہر اور حفیظ مہر کے ناموں سے ہوئی ہے۔پولیس نے دعویٰ کیا کہ آپریشن کے دوران 2 مغوی بازیاب کرائے گئے ہیں۔
یہ بھی پڑھیں: سندھ حکومت نے تعلیمی اداروں کے حوالے سے اہم اعلان کردیا