سیاسی منظرنامہ تبدیل، تحریک انصاف کے اہم رہنما کی ن لیگ میں شمولیت

(ویب ڈیسک) پاکستان تحریک انصاف (پی ٹی آئی) کے وائس چیئرمین چوہدری اختر میو نے پاکستان مسلم لیگ (ن) میں شمولیت اختیار کر لی، چوہدری اختر میو کا تعلق پی پی 154 کے گاؤں لیلہ پور سے ہے۔

چوہدری اختر میو کی پاکستان مسلم لیگ (ن) میں شمولیت کی تقریب اسپیکر قومی اسمبلی سردار ایاز صادق کی زیر صدارت منعقد ہوئی، جس میں اسپیکر قومی اسمبلی نے خود ان کا خیرمقدم کیا، اس موقع پر گاؤں کے لوگوں نے سردار ایاز صادق کا والہانہ استقبال کیا اور ان کی قیادت کے تحت ہونے والی پیش رفت کو سراہا۔

چوہدری اختر میو نے اس موقع پر اپنے خطاب میں کہا کہ وہ سابق وزیرِ اعظم میاں نواز شریف، وزیرِ اعظم پاکستان شہباز شریف، وزیرِ اعلیٰ پنجاب مریم نواز اور اسپیکر قومی اسمبلی سردار ایاز صادق کی قیادت پر بھرپور اعتماد کا اظہار کرتے ہیں اور ان کے ساتھ مل کر عوام کی خدمت کرنے کے عزم کا اظہار کیا۔

یہ بھی پڑھیں:توانائی بحران اورعلاقائی کشیدگی کےباعث کاروباری اعتماد میں نمایاں کمی آئی:گیلپ پاکستان

لاہور، پی پی 154 کے گاؤں لیلہ پور سے پاکستان تحریک انصاف کے وائس چیئرمین چوہدری اختر میو نے پاکستان مسلم لیگ (ن) میں شمولیت اختیار کر لی۔

اہلیانِ علاقہ نے تقریب کے مہمانِ خصوصی، اسپیکر قومی اسمبلی سردار ایاز صادق کا والہانہ استقبال کیا۔

اسپیکر قومی اسمبلی سردار ایاز صادق نے… pic.twitter.com/X700AJXt1j

— National Assembly ???????? (@NAofPakistan) April 23, 2026

ان کا کہنا تھا کہ پی ٹی آئی میں اپنے سیاسی کیریئر کا آغاز کرنے کے باوجود، انہیں اب پاکستان مسلم لیگ (ن) کی قیادت میں وہ مواقع نظر آ رہے ہیں جو عوام کی فلاح و بہبود کے لیے بہترین ثابت ہوں گے۔

اس تقریب میں رکن صوبائی اسمبلی غلام حبیب اعوان، آصف امین نمبردار، آزاد گجر، حاجی سجاد اور عابد حسین سمیت دیگر اہم سیاسی رہنما بھی موجود تھے، جنہوں نے چوہدری اختر میو کی شمولیت کا خیرمقدم کیا اور ان کی سیاسی بصیرت کی تعریف کی۔

اس موقع پر مسلم لیگ (ن) کے رہنماؤں نے بھی کہا کہ چوہدری اختر میو کی شمولیت سے پارٹی کو مزید طاقت ملے گی اور ان کی قیادت میں عوامی مسائل حل کرنے میں مزید کامیابیاں حاصل ہوں گی۔

چوہدری اختر میو کی پی ٹی آئی سے مسلم لیگ (ن) میں شمولیت کو ایک اہم سیاسی تبدیلی کے طور پر دیکھا جا رہا ہے، جس سے نہ صرف ان کی ذاتی سیاسی تقدیر بلکہ متعلقہ حلقوں میں بھی نئی سیاسی جہتیں پیدا ہونے کا امکان ہے۔