وزیراعلیٰ پنجاب نے ’’مریم کے دستر خوان‘‘نیا ٹرینڈ متعارف کروایا:عظمیٰ بخاری 

(24نیوز)وزیر اطلاعات پنجاب عظمیٰ بخاری نے کہاہے کہ وزیراعلیٰ پنجاب مریم نواز نے اس رمضان میں ’’مریم کے دستر خوان‘‘ایک نیا ٹرینڈ متعارف کروایا۔ 
عظمیٰ بخاری نے کہاکہ پنجاب کے کونے کونے میں ’’مریم کے دستر خوان‘‘ روزہ داروں کی خدمت کررہے ہیں،پنجاب کی ہر تحصیل میں روزہ دار’’مریم کے مہمان‘‘ بن رہے ہیں،دستر خوانوں کو عوام کی جانب سے بہت زیادہ پذیرائی مل رہی ہے۔
عظمیٰ بخاری نے کہاکہ مردوں کے ساتھ خواتین کی بھی بڑی تعداد دسترخوانوں میں افطاری کررہی ہیں،پنجاب میں 74 سہولت بازار عوام کو سستی اور اعلیٰ کوالٹی کی اشیائے خوردونوش فراہم کررہے ہیں،سہولت بازاروں اور دستر خوانوں میں کھانے پینے کی اشیاء کا معیار فوڈ اتھارٹی خود چیک کررہی ہے۔

یہ بھی پڑھیں:سی ایم گرین ٹریکٹر پروگرام فیز 3 ،مریم نوازنے قرعہ اندازی کا آغاز کردیا
عظمیٰ بخاری نے کہاکہ خواتین گھر بیٹھے سہولت بازاروں سے ضروریات زندگی کی اشیاء منگوارہی ہیں،مریم نواز کی حکومت ہر شہری کی دہلیز پر انکا حق پہنچا رہی ہے،رمضان نگہبان پیکج کے تحت ہر مستحق تک امدادی کارڈ پہنچائے جارہے ہیں،ضلعی انتظامیہ اور دیگر متعلقہ اداروں کا عملہ دن رات اپنے فرائض سرانجام دے رہا ہے۔