مصنوعی ذہانت کو لگام: صدر ڈونلڈ ٹرمپ نے اے آئی پالیسی جاری کردی

(ویب ڈیسک)امریکی وائٹ ہاؤس نے  گذشتہ روز ایک مصنوعی ذہانت یعنی اے آئی کی پالیسی جاری کی، جس کا مقصد ریاستی قوانین کو پہلے سے قابو میں رکھنا، بچوں کے تحفظ کو یقینی بنانا اور کمیونٹیز کو زیادہ توانائی کے اخراجات سے بچانا ہے۔

رائٹرز کی رپورٹ کے مطابق ٹرمپ انتظامیہ یہ بھی چاہتی ہے کہ پورے ملک میں ایک یکساں قانونی فریم ورک ہو بجائے اس کے کہ ہر ریاست اپنے قوانین بنائے۔

دسمبر میں امریکی صدر ڈونلڈ ٹرمپ نے کہا تھا کہ وہ ان ریاستوں کو وفاقی براڈبینڈ فنڈنگ نہیں دیں گے جن کے اے آئی قوانین امریکی حکومت کے مطابق امریکا کی ٹیکنالوجی میں بالادستی کو روک رہے ہوں۔ 

حالیہ برسوں میں اے آئی صنعت ٹیک سیکٹر کے لیے زبردست منافع کا ذریعہ بنی ہے جس نے چپ بنانے والی کمپنی این ویڈیا کو دنیا کی سب سے بڑی کمپنی بنا دیا۔

دوسری جانب میٹا، امیزون، الفابیٹ اور مائیکروسوفٹ جیسے ٹیک بڑے ادارے اس ابھرتے ہوئے شعبے میں اربوں ڈالر لگا رہے ہیں۔

 وائٹ ہاؤس نے کہا کہ وہ کانگریس کے ساتھ مل کر اس فریم ورک کو قانون میں بدلنے کے لیے کام کرے گا۔

مائیکل کراٹسوس، ٹرمپ کے سائنس اور ٹیکنالوجی مشیر نے میڈیا سے گفتگو کرتے ہوئے کہا کہ ہمیں ایک قومی اے آئی فریم ورک کی ضرورت ہے نہ کہ 50 ریاستوں کا پیچیدہ نظام۔

یہ بھی پڑھیں:ایران جنگ!کون کون سے ممالک متاثر ہونگے، جانیے

انہوں نے کہا کہ اس کا اہم حصہ بچوں کے تحفظ کے لیے دو طرفہ سیاسی اتفاق رائے پر توجہ دینا ہے۔

پالیسی میں بچوں کے اکاؤنٹس اور ڈیوائسز پر والدین کا کنٹرول، جنسی استحصال اور خود کو نقصان پہنچانے کے امکانات کے خلاف حفاظتی اقدامات شامل ہیں۔

کانگریس سے کہا گیا ہے کہ وہ اجازت ناموں کو آسان بنائے تاکہ بڑے توانائی استعمال کرنے والے ڈیٹا سینٹر اپنی بجلی خود پیدا کر سکیں۔

وفاقی حکومت کی صلاحیت بڑھانے کے لیے اقدامات تاکہ اے آئی سے پیدا ہونے والے فراڈ اور قومی سلامتی کے مسائل پر قابو پایا جا سکے۔

اختراعی رکاوٹیں دور کرنا، کاروباری شعبوں میں اے آئی کے نفاذ کو تیز کرنا، اور اعلیٰ معیار کے اے آئی سسٹمز کی تعمیر آسان بنانا تاکہ عالمی سطح پر امریکا کی اے آئی بالادستی یقینی ہو۔

فریم ورک میں دانشورانہ ملکیت کے حقوق، آزادی اظہار، سینسرشپ سے بچاؤ اور ایک اے آئی ماہر ورک فورس کی ترقی کے لیے تعلیم شامل ہے۔