سینٹ الیکشن:زرداری متحرک،نوازشریف سے گیلانی کیلئےحمایت مانگ لی

 (24نیوز) سینٹ کے انتخابی دنگل سے قبل جوڑ توڑ عروج پر پہنچ گئی۔جہانگیر ترین کے بعد پیپلزپارٹی کے شریک چیئرمین آصف علی زرداری بھی متحرک ہوگئے۔انہوں نے سابق وزیراعظم نوازشریف سے ٹیلیفون کرکے یوسف رضا گیلانی کیلئےحمایت مانگ لی۔

  ٹیلیفونک رابطے میںدونوں رہنمائوں کے درمیان سینٹ انتخابات کے حوالے سے اہم مشاورت ہوئی اور پی ڈی ایم تحریک کے حوالے سے بھی تبادلہ خیال کیا گیا، حکومت کو مزید ٹف ٹائم دینے پر اتفاق رائے ہوا۔ پیپلز پارٹی ذرائع کے مطابق  آصف زرداری نے نواز شریف سے یوسف رضا گیلانی کی بھرپور حمایت مانگی جس پر مسلم لیگ ن کے قائد نواز شریف نے یوسف رضا گیلانی کی حمایت کی یقین دہانی کرا دی ہے۔سابق وزیراعظم نواز شریف نے آصف علی زرداری کے ذریعے یوسف رضا گیلانی کو جاتی عمرہ کی بھی دعوت دے دی ہے۔ذرائع نے مزید بتایا کہ یوسف رضا گیلانی جلد رائیونڈ جائیں گے اور مریم نواز سے ملاقات بھی کریں گے۔