میکسیکو میں تقریب کے دوران مسلح گروپ کا حملہ، 12 افراد ہلاک ہوگئے

(ویب ڈیسک)میکسیکو کی وسطی ریاست گواناجواٹو میں چھٹیوں کی ایک تقریب میں ہونے والے حملے میں 12 افراد ہلاک ہوگئے۔

تفصیلات کے مطابق مقامی میڈیا کا کہنا ہے کہ ایک مسلح گروپ نے کرسمس سے پہلے منعقد ہونے والی ایک روایتی پارٹی میں شرکت کرنے والوں پر فائرنگ کی۔

میکسیکو کے اٹارنی جنرل نے اپنے بیان میں کہا کہ حملوں میں 12 افراد مارے گئے ہیں، اس حوالے سے حکام نے مزید کوئی تفصیل جاری نہیں کی۔

یہ بھی پڑھیں:امریکی صدر کے قافلے کی گاڑی حادثے کا شکار

خبر رساں اداروں کے مطابق ریاست گواناجواٹو بڑی فیکٹریوں کی وجہ سے میکسیکو میں مشہور ہے لیکن حالیہ برسوں میں وہاں پرتشدد کارروائیوں میں اضافہ ہوا ہے۔