افغانیوں کی طویل مہمان نوازی پاکستانیوں کی سب سے بڑی غلطی تھی:وزیر دفاع

(24 نیوز)وزیر دفاع خواجہ محمد آصف نے کہاہے کہ محسن کش لوگ اس ریاست پر حملہ آور ہیں جس نے پچاس سال سے ان کو پناہ گاہ میسر کی ہے،ہم نے اپنی 78سالہ تاریخ میں بہت غلطیاں کیں لیکن انکی مہمان نوازی سب سے فاش غلطی ہے اللہ ہمیں معاف کرے۔

ایکس پر بیان میں وزیردفاع نے کہاکہ ‏یہ دعویٰ انکی طرف سے آرہا ہے جو مسجدوں پہ حملے کرواتے ہیں، سر بسجود نمازیوں کو شہید کرتے ہیں۔ نہتے شہریوں اور مارکیٹوں سکولوں کو نشانہ بناتے ہیں،معصوم بچوں کو خون سے نہلاتے ہیں۔

خواجہ آصف نے کہا کہ منشیات کی سمگلنگ جنکا ذریعہ آمدن ہو، محسن کش لوگ اس ریاست پہ حملہ آور ہیں جس نے پچاس سال سے انکو پناہ گاہ میسر کی ہے جو کمٹمنٹ کرتے ہیں اسکو آنر نہیں کرتے اربوں روپے کمٹمنٹ پوری کرنے کے لئے تاوان مانگتے ہیں۔

انہوں نے کہا کہ پاکستان کی مٹی نے نہ صرف ان کو پناہ دی ان کے لئے ایک سپر پاور سے ٹکرا گئے ،تین نسلوں کی مہمان نوازی کی۔وزیردفاع نے کہاکہ ہم نے اپنی 78سالہ تاریخ میں بہت غلطیاں کیں لیکن انکی مہمان نوازی سب سے فاش غلطی ہے اللہ ہمیں معاف کرے، آمین۔

یہ دعویٰ انکی طرف سے آرہا ھے جو مسجدوں پہ حملے کرواتے ھیں ۔ سر بسجود نمازیوں کو شہید کرتے ھیں۔ نہتے شہریوں اور مارکیٹوں سکولوں کو نشانہ بناتے ھیں۔ معصوم بچوں کو خون سے نہلاتے ھیں۔ منشیات کی سمگلنگ جنکا ذریعہ آمدن ھو۔ محسن کش لوگ اس ریاست پہ حملہ آور ھیں جس نے پچاس سال سے انکو… https://t.co/twfeYrdopq

— Khawaja M. Asif (@KhawajaMAsif) March 17, 2026

یہ بھی پڑھیں :پاکستانی روپے کی قدر میں بہتری