عارف والا میں سکول بس اُلٹ گئی، متعدد طلبا سمیت ڈرائیور زخمی

(شہزاد احمد) عارف والا میں  نجی سکول بس  اُلٹ گئی،حادثے  کے نتیجے  میں متعدد طلباء سیمت  ڈرائیور  زخمی ہوگیا۔

ریسکیو ذرائع کے  مطابق عارف والا کے علاقہ رنگشاہ کی حدود  51 ایس پی کے قریب نجی سکول کے بچوں کی بس کو حادثہ پیش آیا۔

ذرائع نے بتایا کہ  سکول بس بچوں کو لے کر جا رہی تھی کہ ڈرائیور سے بے قابو ہو کر  قریب کھیتوں میں الٹ گئی۔

حادثہ کی اطلاع ملتے ہی ریسکیو 1122اور پولیس کی گاڑیاں موقع پہ پہنچ گئیں جبکہ  ریسکیو نے زخمی بچوں کو طبی امداد کے بعد ہسپتال منتقل کر دیا گیا ۔

یہ بھی پڑھیں : ژوب میں زلزلے کے جھٹکے، لوگوں میں خوف و ہراس پھیل گیا

عینی شاہدین کے مطابق حادثے کے وقت بس میں چالیس سے پچاس کے قریب بچے سوار تھے ۔