نانا پاٹیکر نے سیلفی لینے والے مداح کو تھپڑ ماردیا

(ویب ڈیسک)بالی ووڈ کے اداکار ، سکرین رائٹر اور فلم میکر نانا پاٹیکر اپنے مداح کو تھپڑ مارنے کے سبب سوشل میڈیا صارفین کی تنقید کی زد میں آگئے۔

نانا پاٹیکر کی جانب سے مداح کو تھپڑ مارنے کا یہ واقعہ دشاسوامیدھ نامی گھاٹ میں پیش آیا جہاں ان کی اگلی فلم کی شوٹنگ کی جارہی تھی۔

فلم 'دا ویکسین وار' کے بعد نانا پاٹیکر انڈیا کے شہر وارانسی میں اپنی اگلی فلم کی شوٹنگ میں مصروف تھے جہاں شوٹنگ کے دوران ایک مداح نے اداکار کے ساتھ سیلفی لینی چاہی، لیکن نانا پاٹیکر نے سیلفی بنوانے کے بجائے مداح کو تھپڑ رسید دیا۔

 
 

#WATCH | वाराणसी में फिल्म जर्नी की शूटिंग कर रहे नाना पाटेकर का फैन को थप्पड़ मारते हुए वीडियो वायरल हो गया। फैन नाना पाटेकर संग सेल्फी लेने पहुंचा तो अभिनेता ने गुस्से में उसके सिर पर थप्पड़ मारा। फिल्म की यूनिट के सदस्य ने लड़के की गर्दन पकड़कर भगाया। pic.twitter.com/oU2WrY2Bv1

— Hindustan (@Live_Hindustan) November 15, 2023

ویڈیو میں واضح طور پر دیکھا جاسکتا ہے کہ سیلفی کے لیے قریب آتے نوجوان شخص کو نانا پاٹیکر نے شدید غصے کے عالم میں زور دار تھپڑ مارا۔

تھپڑ کے بعد سیلفی کی خواہش رکھنے والے شخص کو شوٹنگ پر موجود ایک سکیورٹی اہلکار نےدبوچ کر پیچھے دھکیل دیا۔

یہ بھی پڑھیں:چینی پھر سے غائب ؟ شوگر ملز مالکان کا نیا مطالبہ سامنے آ گیا

نانا پاٹیکر کی جانب سے مداح کے ساتھ اس ناروا سلوک کی ویڈیو سوشل میڈیا پر زیرِ گردش ہے جس پر سوشل میڈیا صارفین شدید تنقید کرتے نظر آرہے ہیں۔

واضح رہے کہ اس سے قبل ایک انٹرویو میں فلم ’دا ویکسین وار‘ کے ہدایتکار وویک اگنی ہوتری کی جانب سے یہ انکشاف سامنے آیا تھا کہ ’انہیں نانا کے ساتھ کام کرنے سے بارہا روکا گیا کیونکہ وہ بہت پرتشدد ہیں ۔ ان کا تاثر انڈسٹری میں اچھا نہیں رہا مگر جب بھی بات برے کردار کی آتی تھی تو ان کے ذہن میں نانا کا ہی خیال آتا تھا۔‘