ایسپرین کینسز کے لئے کتنی مفید ہے؟ 

( مانیٹرنگ ڈیسک)دنیا بھر میں سب سے زیادہ استعمال ہونے والی میڈیسن ایسپرین کا ایک اور فائدہ سامنے آگیا۔یہ بڑی آنت کے کینسر کے خاتمے میں اہم کردار اداکرسکتی ہے۔

ایسپرین کینسر خلیات (سیل) کو بڑھنے سے روکتی ہے اور انہیں قدرتی طور پر اس عمل کی جانب دوبارہ دھکیلتی ہے جسے سیل ڈیتھ کہا جاتا ہے۔ اگر کوئی خلیہ اس عمل سے باہر ہوجائے تو بے ہنگم انداز میں رسولی بن جاتے ہیں اور سرطان کو بڑھاتے ہیں۔اس عمل میں ایسپرین کا استعمال بالخصوص معدے اور آنتوں کے سرطان میں نہایت مثبت دیکھا گیا ہے جو سرطانی خلیات کے پھیلاؤ کو بھی روک سکتی ہے۔

جامعہ کیلیفورنیا سے وابستہ عوامی صحت کے ماہر ڈاکٹر ڈومینک ووڈرز نے کہا ہے کہ ’ایسپرین سرطانی خلیات کے ارتقا کو روکتی ہے اور انہیں کی شرح پیدائش اور موت پر بھی اثرانداز ہوتی ہے۔ ایک جانب یہ خلوی موت کو بڑھاتی ہے تو دوسری جانب سرطانی رسولیوں کو پھیلنے سے بھی روکتی ہے۔

تحقیق سے وابستہ ایک اور سائنسدان، نتالیہ کوماروفا کہتی ہیں کہ ایسپرین شاید ڈارون کے نظریہ ارتقا کی عین روشنی میں کام کرتے ہوئے سرطانی خلیات کو بدن کے لیے ناموزوں اور نقصاندہ بننے سے روکتی ہے۔ اس کا نتیجہ یہ ہوتا ہے کہ بالخصوص بڑی آنت کے سرطان کی رفتار سست ہوجاتی ہے جبکہ ابتداسے ہی خلیے کو سرطانی روپ بدلنے سے بھی باز رکھ سکتی ہے۔ یہی وجہ ہے کہ ایسپرین کا کردار بہت دلچسپ ہے۔

یہ بھی پڑھیں:شہباز گل کی اہلیہ کی ڈگری کا معاملہ۔ بڑا فیصلہ ہو گیا

اس ضمن میں جینیاتی کیفیت کے شکار کئی افراد کو بھرتی کیا گیا جو لنچ سنڈروم کے تحت کئی اقسام کے سرطان میں مبتلا ہوسکتے تھے۔ انہیں دوگروہوں میں بانٹ کر ایک کو دو برس تک روزانہ 600 ملی گرام ایسپرین دی گئی تو دو سال بعد معلوم ہوا کہ اس سے خصوصاً بڑی آنت کے کینسر کا خطرہ 63 فیصد تک کم ہوسکتا ہے دیگر شواہد اور تحقیقات بھی اسی جانب اشارہ کرتی ہیں۔

یہ بھی پڑھیں: واٹس ایپ صارفین کیلئے بڑی خوشخبری