منامہ: شاہ بحرین نے صدر زرداری کو ریاست کا اعلیٰ ترین ایوارڈ عطا کردیا

(24نیوز)صدر مملکت آصف علی زرداری کو بحرین کا اعلیٰ ترین ایوارڈ عطا کردیا گیا۔

سرکاری میڈیا کے مطابق بحرین کے دورے پر موجود صدر آصف علی زرداری کی قصر القضیبیہ آمد پر انہیں گارڈ آف آنر پیش کیا گیا، شاہ حمد بن عیسیٰ آل خلیفہ کے درمیان ملاقات ہوئی۔ دونوں رہنماؤں کے درمیان دوطرفہ تعلقات کے فروغ پر اتفاق ہوا۔

پاکستان اور بحرین کے برادرانہ تعلقات کو نئی جہت دینے کے عزم کا اعادہ کیا گیا۔

ملاقات میں صدر آصف علی زرداری کو بحرین کا اعلیٰ ترین ایوارڈ وسام الشیخ عیسیٰ بن سلمان آل خلیفہ من الدرجۃ الاولی عطا کیاگیا

صدر مملکت کو اعلیٰ ترین اعزاز دونوں برادر ملکوں کے درمیان دو طرفہ تعلقات کے فروغ اور گرانقدر خدمات کے اعتراف میں دیا گیا۔

Pres Asif Ali Zardari met ???????? King Hamad bin Isa Al Khalifa at Al-Qudaibiya Palace, Manama. He was accorded a guard of honour. Talks covered trade & investment, defence coop, support for the ???????? community and regional & global issues. The King conferred Sheikh Isa Award on him. pic.twitter.com/vuMl9atUCn

— The President of Pakistan (@PresOfPakistan) January 14, 2026

 صدر مملکت  اور بحرین کے شاہ حمد بن عيسى آل خليفة کے درمیان  ون آن ون ملاقات میں تعلقات کی مثبت سمت پر اطمینان کا اظہار کیا گیا۔  تجارت اور سرمایہ کاری کے شعبوں میں تعاون بڑھانے پر تفصیلی گفتگو کی گئی۔

صدر مملکت نے بحرینی سرمایہ کاروں کو پاکستان میں سرمایہ کاری کی دعوت دی، انہوں نے زراعت، آئی ٹی، صحت، سیاحت اور انفرا اسٹرکچر میں مشترکہ منصوبوں پر زور دیا۔

 ملاقات کے دوران دفاع اور سلامتی کے شعبوں میں تعاون پاک بحرین تعلقات کا اہم ستون قرار پایا، ملاقات میں عالمی و علاقائی صورتحال پر تبادلۂ خیال، اتحاد اور تحمل پر زور دیا گیا۔

صدر مملکت نے کہا کہ بحرین میں مقیم پاکستانی کمیونٹی دوطرفہ تعلقات کا مضبوط پل ہے،  صدر مملکت نے بحرین میں مقیم ایک لاکھ 16 ہزار پاکستانیوں کے لیے سہولیات فراہم کرنے پر تشکر کا اظہار کیا۔ 

President Asif Ali Zardari arrived in Manama on a four-day official visit to Bahrain. He was received by Commander of the Bahrain National Guard Sheikh Mohammed bin Isa Al Khalifa and Foreign Minister Sheikh Dr Abdullatif bin Rashid Al Zayani. pic.twitter.com/BK5BZtp146

— The President of Pakistan (@PresOfPakistan) January 13, 2026

ملاقات میں کنگ حمد یونیورسٹی اسلام آباد کو پاک بحرین دوستی کی علامت قرار دیا گیا۔  دونوں رہنماؤں کا اقوامِ متحدہ سمیت عالمی فورمز پر قریبی رابطہ رکھنے پر اتفاق ہوا۔

شاہ حمد بن عیسیٰ آل خلیفہ نے کہا کہ صدر آصف علی زرداری کا دورہ دوطرفہ تعلقات میں اہم سنگِ میل ہے۔ انہوں نے بحرین میں پاکستانی کمیونٹی کے کردار کو خراجِ تحسین پیش کیا۔

Manama: 14 January 2026 — President Asif Ali Zardari addressing delegates at a banquet at Al-Qudaibiya Palace, with King Hamad bin Isa Al Khalifa and First Lady Bibi Aseefa Bhutto Zardari also present.@AAliZardari @AseefaBZ pic.twitter.com/gp1BAV7hq3

— PTV News (@PTVNewsOfficial) January 14, 2026

بعدازاں صدر آصف علی زرداری اور ان کے وفد کے اعزاز میں ظہرانے کا اہتمام کیا گیا۔

 یہ بھی پڑھیں:'جب آپ کو پتہ چلے کہ آپ کی ایکس دوبارہ شادی کر رہی ہے'، علی ترین کا ملتان سلطانز کی نیلامی پر دلچسپ ردعمل