اتنا غصہ۔۔خاتون فارماسسٹ پر بے تحاشہ تشدد، حاضری نہ لگانے دی، ویڈیو وائرل

Oct 13, 2021 | 12:33:PM
مصری ، خاتون، تشدد
کیپشن: ساتھی خواتین کے تشدد کا نشانہ بنے والی مصری خاتون

(مانیٹرنگ ڈیسک)افریقی ملک مصر میں ایک خاتون فارماسسٹ کو آفس میں حجاب نہ پہننے پر ساتھی خواتین کی جانب سے تشدد کا نشانہ بنائے جانے کے واقعے کی ویڈیو وائرل،عوامی حلقوں میں غصے کی لہر۔

العریبہ اردو کی ویب رپورٹ کے مطابق یہ واقعہ مصر کے الشرقیہ صوبے میں پیش آیا جہاں کفر عطا اللہ گاؤں کے ایک طبی مرکز میں نوجوان خاتون ایزیس مصطفی کو اس کی ساتھی خواتین نے حجاب نہ پہننے پر زدوکوب کیا۔واقعے سے متعلق وڈیو کلپ میں طبی مرکز کی دو خواتین ایزیس کو بری طرح پیٹتے ہوئے دکھائی دے رہی ہیں۔خواتین نے ایزیس مصطفی کے بال پکڑ کر اسے گھسیٹنے کی بھی کوشش کی تاہم مرکز کے دیگر ملازمین نے خاتون فارماسسٹ  کو مزید تشدد سے بچایا۔

عینی شاہدین کے مطابق ایزیس کو اپنی ساتھی خواتین کی جانب سے ایک عرصے سے خراب برتاؤ کا سامنا تھا۔ اس روز ان خواتین نے ایزیس کو حاضری کے رجسٹر میں دستخط کرنے سے روک دیا۔ اس پر معاملہ جھگڑے اور پھر ہاتھا پائی تک پہنچ گیا۔ویڈیو وائرل ہونے پر سوشل میڈیا پر عوامی حلقوں نے شدید غم و غصے کا اظہار کرتے ہوئے حکام سے مطالبہ کیا ہے کہ اس واقعے کی فوری تحقیقات کرائی جائیں۔ نوجوان فارماسسٹ نے اپنی دیگر تصاویر بھی جاری کی ہیں جن میں اس پر جسمانی تشدد اور حملے کے نشانات واضح طور پر نظر آ رہے ہیں۔الشرقیہ صوبے کے گورنر ممدوح غراب نےایزیس مصطفی کو دعوت دی تا کہ واقعے پر معذرت پیش کر سکیں۔گورنر نے  واقعے کی وسیع تحقیقات اور تمام قانونی اقدامات کئے جانے کا بھی حکم جاری کیا ہے۔

یہ بھی پڑھیں: اتنی ہوشیار عورت پہلے کبھی دیکھی نہ سنی ۔۔ ویڈیو نے دھوم مچا دی