بلال یاسین پر فائرنگ کرنے والے  شوٹر گرفتار

  (24 نیوز )ممبر صوبائی اسمبلی بلال یاسین پر قاتلانہ حملہ کرنے والے دونوں شوٹرز کو گرفتار کر لیا گیاہے ۔

ترجمان پنجاب پولیس کی جانب سے جاری کر دہ بیان میں کہا گیاہے کہ فائرنگ کرنے والے دونوں ملزموں کو گرفتار کر لیا گیاہے ، وزیراعلیٰ پنجاب اور آئی جی پنجاب خود اس کیس کی نگرانی کر رہے تھے ، دونوں ملزموں کو  گرفتار کرنے کیلئے خفیہ اطلاعات پر 10 مقامات پر چھاپے مارے گئے۔

پولیس کے مطابق شاہدرہ کے علاقے میں خفیہ آپریشن کے دوران انہیں گرفتار کیا گیاہے ، سی سی پی او اور ڈی آئی جی انوسٹی گیشن نے گرفتاری کیلئے 16 ٹیمیں تشکیل دی تھیں ، ملزموں کو کل شناخت پریڈ کیلئے عدالت میں پیش کیا جائے گا ۔

یہ بھی پڑھیں: راہیں جُدا ۔۔بالی ووڈ کی معروف جوڑی کا بریک اپ ہو گیا
 پولیس ذرائع کے مطابق دونوں ملزموں نے پیسے لے کر بلال یاسین پر فائرنگ کی ، شوٹرز کو اسلحہ فراہم کرنے اور سہولت کاری کرنے والے فخر اور ساجد کو بھی گرفتار کیا جا چکا ہے۔

یہ بھی پڑھیں:گلوکار راحت فتح علی مشکل میں پھنس گئے

پولیس  کی تحقیقات میں ایک اور شخص کا نام بھی سامنے آ رہاہے جس نے پیسے دے کر حملہ کروایاتاہم اس شخص کا نام تاحال صیغہ راز میں رکھا گیاہے اور مزید تحقیقات جاری ہیں۔