پروڈکشن کمپنی کے حوالے سے ہونیوالی دھوکہ دہی، مہوش حیات نے خبردار کردیا

(ویب ڈیسک)پاکستان شوبز انڈسٹری کی خوبرو اور معروف اداکارہ مہوش حیات نے اپنی پروڈکشن کمپنی"پنک لاما فلمز" کے نام سے ہونے والی دھوکہ دہی سے مداحوں کو خبردار کردیا۔

تفصیلات کے مطابق اداکارہ مہوش حیات نے اپنی بین الاقوامی پروڈکشن کمپنی کے حوالے سے پھیلنے والی غلط معلومات کے بارے میں لوگوں کو آگاہ کردیا۔اداکارہ نے سماجی رابطے کی ویب سائٹ ایکس پر ایک طویل نوٹ جاری کیا جس میں انہوں نے کمپنی کی مستند ای میل واضح کرتے ہوئے بتایا کہ " میری فلم کمپنی "پنک لاما" سے رابطہ کرنے کا واحد ای میل ایڈریس یہ ہے۔"

مہوش حیات نے کسی بھی دھوکے کانشانہ بننے سے خبردار کرتے ہوئے مزید لکھا کہ "اگر کوئی بھی میرے یا کمپنی کے نام سے اس کمپنی کا نمائدہ ہونے کا دعویٰ کرتا ہے تو جان لیں کہ یہ دھوکہ دہی اور جعلی ہے۔"

اداکارہ نے مزید لکھا کہ"اگر آپ ان سب معلومات کے بعد بھی کسی دھوکہ دہی کا شکار ہوتے ہیں تو یہ ہماری زمہ داری نہیں ہوگی۔"انہوں نےلکھا کہ "یہ ایک مجرمانہ جرم ہے اور اگر آپ ایسے لوگوں کو دیکھتے ہیں تو براہ کرم اطلاع دیں۔"

This is to inform everyone that the only legitimate email address for contacting my film company, Pink Llama is
info@pinkllamafilms.com. If anyone contacts you on social media claiming to represent me OR the company, please know that it is fraudulent/fake. We advise against any…

— Mehwish Hayat TI (@MehwishHayat) August 11, 2023

یاد رہے کہ چند ماہ قبل اداکارہ نے فوٹو اینڈ ویڈیو شیئرنگ ایپ انسٹاگرام پر پروڈکشن کمپنی کا باضابطہ اعلان کیا تھا جس میں انہوں نے کہا تھا کہ "میں آپ کو ایک ایسی چیز سے متعارف کرانے کے لئے بہت پُرجوش ہوں جس پر میں کچھ عرصے سے کام کر رہی ہوں۔"

مہوش حیات نے اپنی کمپنی کے حوالے سے مزید بتایا تھا کہ "میں نے برطانیہ میں پنک لاما فلمیں شروع کی ہیں، مجھے یقین ہے کہ یہ بیانیہ تشکیل دینے کا واحد طریقہ ہے کہ ہم کون ہیں اور ہم کس کے لیے کھڑے ہیں"۔