وزیراعظم کی زیرصدارت اجلاس، سیلاب سے متاثرہ علاقوں میں اقدامات پر بریفنگ
Stay tuned with 24 News HD Android App
(24 نیوز)وزیر اعظم شہباز شریف نے متاثرین کی آباد کاری کےلئے اٹھائے گئے اقدامات پر اطمینان کا اظہار کرتے ہوئے متعلقہ حکام کو اس سلسلے میں تمام وسائل کو بطریق احسن بروئے کار لانے کی ہدایت کی۔
وزیر اعظم شہباز شریف کی زیر صدارت سیلاب سے متاثرہ علاقوں میں جاری ریلیف اور بحالی کے اقدامات کا جائزہ لینے کےلئے اجلاس ہوا۔اجلاس میں وزیرمواصلات مولانااسعدمحمود، وزیر داخلہ رانا ثناءاللہ خان، وزیر برائے تخفیف غربت و سماجی تحفظ شازیہ مری، وزیر ریلوے و ہوابازی خواجہ سعد رفیق، وزیراعظم کے مشیر برائے امور کشمیر و گلگت بلتستان قمرزمان کائرہ، ممبر صوبائی اسمبلی ثناءاللہ بلوچ، چیئرمین این ڈی ایم اے اورمتعلقہ اعلیٰ حکام نے شرکت کی۔
ملاقات میں وزیر اعظم کو سیلاب سے متاثرہ علاقوں میں لوگوں کی امداد اور انفراسٹرکچر کی بحالی کیلئے جاری صوبائی اور ضلعی انتظامیہ کی کاوشوں پر تفصیلی سے بریفنگ دی گئی۔وزیر اعظم نے متاثرین کی آباد کاری کےلئے اٹھائے گئے اقدامات پر اطمینان کا اظہار کیااور متعلقہ حکام کو اس سلسلے میں تمام وسائل کو بطریق احسن بروئے کار لانے کی ہدایت کی۔وزیر اعظم نے متاثرہ لوگوں کی امداد اور تباہ شدہ انفراسٹرکچر کی بروقت بحالی کو یقینی بنانے کے لیے این ڈی ایم اے اور این ایچ اے کے کردار کو سراہا، اور انہیں مزید بارشوں کے امکان کے تناظر میں اپنی صلاحیتوں کو زیادہ بہتر بنانے کی ہدایت کی۔
یہ بھی پڑھیں: احمد اویس دوبارہ ایڈووکیٹ جنرل پنجاب تعینات