بھارتی فلم ’براہمسترا‘ باکس آفس پر راج کرنے میں ناکام

(ویب ڈیسک )بالی ووڈ کی معروف جوڑی اداکار رنبیر کپور اور اداکارہ عالیہ بھٹ کی گزشتہ روز ریلیز ہونے والی فلم ’براہمسترا‘ باکس آفس پر اپنا جادو نہ چلا سکی۔شائقین فلم کی بڑی تعداد نے گزشتہ کئی مہینوں سے شہ سرخیوں میں رہنے والی بڑے بجٹ کی فلم کی کہانی پر مایوسی کا اظہار کیا ہے۔

تفصیلات کے مطابق بھارتی فلموں کے مشہور ناقد ترن آدرش نے سوشل میڈیا پلیٹ فارم ٹوئٹر پر فلم کا تجزیہ پیش کرتے ہوئے لکھا کہ ’فلم انتہائی مایوس کُن ہے،وی ایف ایکس زیادہ اور مواد کی کمی ہے۔انہوں نے کہا کہ ’براہمسترا‘ ایک گیم چینجر فلم ثابت ہو سکتی تھی لیکن یہ ہاتھ سے نکل جانے والا موقع ثابت ہوئی، فلم میں صرف چمک ہے جبکہ روح ہے ہی نہیں۔

#OneWordReview...#Brahmāstra: DISAPPOINTING.
Rating: ⭐⭐#Brahmāstra is a king-sized disappointment… High on VFX, low on content [second half nosedives]… #Brahmāstra could’ve been a game changer, but, alas, it’s a missed opportunity… All gloss, no soul. #BrahmāstraReview pic.twitter.com/5EOKJrtbiY

— taran adarsh (@taran_adarsh) September 9, 2022

دوسری جانب بھارتی میڈیا کا دعویٰ ہے کہ فلم نے ریلیز سے قبل ہی 40 کروڑ بھارتی روپے کا بزنس کیا ہے تاہم فلم کی ریلیز سے دو روز قبل اس کے خلاف بائیکاٹ مہم کا آغاز ہوا تھا۔

دو روز قبل فلم کے خلاف بائیکاٹ مہم شروع ہوئی تھی جس پر عالیہ بھٹ کو ایک تقریب کے دوران ردعمل دینا پڑا۔عالیہ بھٹ کا کہنا تھا کہ فلم کی ریلیز کے لیے یہ ایک خوبصورت ماحول ہے، ہمیں صحت مند اور رہنے کی ضرورت ہے، ہم سب کو عام طور پر اپنی زندگی کے لیے شکر گزار ہونا چاہیے، ماحول میں منفی کچھ نہیں ہے بلکہ سب مثبت ہیں اور سب اچھا ہیں۔

View this post on Instagram

A post shared by Pinkvilla (@pinkvilla)

فلم میں عالیہ بھٹ ، شوہر رنبیر کپور، امیتابھ بچن اور شاہ رخ خان سمیت کئی دیگر اداکاروں نے اداکاری کے جوہر دکھائے ہیں۔