فلوریڈا میں طیارہ ہنگامی لینڈنگ کے دوران  کار پر جا گرا،ویڈیو  وائرل

(ویب ڈیسک)فلوریڈا میں ایک چھوٹے طیارے نے ہائی وے پر ہنگامی لینڈنگ کرتے ہوئے کار سے ٹکر مار دی، جس کی دل دہلا دینے والی ویڈیو سوشل میڈیا پر تیزی سے وائرل ہوگئی۔

امریکی میڈیا کے مطابق سنگل انجن بیچ کرافٹ 55 طیارے میں دو  افراد سوار تھے۔

پائلٹ نے انجن میں خرابی کی اطلاع دی اور ہنگامی لینڈنگ کی کوشش کی، تاہم طیارہ ایک ٹویوٹا کیمری پر جاگرا۔

حادثے میں 57 سالہ خاتون ڈرائیور زخمی ہوئیں جنہیں ہسپتال منتقل کردیا گیا،خوش قسمتی سے پائلٹ اور اس کا ساتھی محفوظ رہے۔

حادثے کے بعد شاہراہ پر گاڑیوں کی لمبی قطاریں لگ گئیں، جبکہ ایمرجنسی ٹیموں نے ملبہ ہٹانے کے لیے کئی گھنٹے کارروائی جاری رکھی۔

تصاویر میں طیارہ شاہراہ کے بیچ موجود میڈین پر پھنسا ہوا دیکھا جا سکتا ہے جبکہ آس پاس سڑک بھر میں ملبہ پھیلا تھا۔

یہ بھی پڑھیں:انسانی حقوق کا احترام معاشرے کی ترقی، خوشحالی کا سنگِ بنیاد ہے:مریم نواز

پولیس کے مطابق طیارے کے انجن کی خرابی کی وجوہات کی تحقیقات جاری ہیں۔

A plane made an emergency landing on I-95 in Brevard County, FL.

The plane crashed into a Camry and the driver suffered minor injuries; both people on the plane were not injured...#driving #flying #crash #florida #FloridaMan #commute #florida pic.twitter.com/TghZeX8iWB

— Mrgunsngear (@Mrgunsngear) December 10, 2025

اسی دوران چند گھنٹے قبل فلوریڈا میں ہی ایک اور چھوٹا طیارہ ہنگامی لینڈنگ کے دوران پلیماؤتھ ایونیو کے قریب ڈی لینڈ ہائی سکول کے پاس گر گیا، جس میں دو افراد زخمی ہوئے۔

ایک زخمی کو ہیلی کاپٹر کے ذریعے ہسپتال منتقل کیا گیا، جبکہ شاہراہ کو کئی گھنٹے بند رکھا گیا۔